అనారోగ్యంతో బాధపడుతున్న తమిళ నటుడు పొన్నాంబళన్‌కు సూపర్‌స్టార్‌ రజనీకాంత్‌, విలక్షణ నటుడు కమల్ హాసన్‌ సహాయం చేశారని టాక్. ప్రస్తుతం ఈ విషయం కోలీవుడ్ వర్గాల్లో చర్చ జరుగుతోంది.
తమిళ్‌, తెలుగు చిత్రాల్లో విలన్‌గా నటించిన పొన్నాంబళన్ చాలా రోజులుగా మూత్రపిండాల సమస్యతో బాధపడుతున్నారు. పరిస్థితి తీవ్రంగా ఉండటం వల్ల రెండు నెలలుగా చెన్నైలోని ఓ ప్రైవేటు ఆస్పత్రిలో చికిత్స పొందుతున్నారు. ప్రస్తుతం ఆయన ఆర్థికంగా ఇబ్బంది పడుతున్నారు. ఈ నేపథ్యంలో కోలీవుడ్ నటులు ఆయనకు సహాయం చేస్తున్నారు. అందులో భాగంగానే కమల్, రజనీ సాయం చేశారని తెలిసింది.
పొన్నాంబళన్ పిల్లల చదువుకు అయ్యే ఖర్చును తానే భరిస్తానని కమల్ హాసన్‌ ముందుకొచ్చారని సమాచారం. వైద్యానికి అయ్యే ఖర్చును తాను భరిస్తానని హామీ ఇచ్చారు రజనీ.
ఇది చూడండి : అద్భుత ప్రపంచం 'డిస్నీ వరల్డ్' పునఃప్రారంభం.. కానీ
