Radhe Shyam Trailer: యంగ్ రెబల్ స్టార్ ప్రభాస్ నటించిన 'రాధేశ్యామ్' చిత్ర ట్రైలర్ను అభిమానులే విడుదల చేయనున్నారు. ఈ విషయాన్ని స్వయంగా చిత్రబృందం వెల్లడించింది. ఈ నెల 23న హైదరాబాద్లోని రామోజీఫిల్మ్ సిటీ వేదికగా చిత్ర ప్రీ రిలీజ్ ఈవెంట్ జరగనుంది. దీనికి అభిమానులే ప్రత్యేక అతిథులుగా హాజరవుతారని నిర్మాణ సంస్థ యూవీ క్రియేషన్స్ శుక్రవారం పేర్కొంది. అయితే ట్రైలర్ కూడా ఫ్యాన్స్ చేతుల మీదుగానే విడుదల చేస్తామని శనివారం ప్రకటించింది.
'రాధేశ్యామ్' ప్రీ రిలీజ్ ఈవెంట్ను కనివిని ఎరుగని రీతిలో నిర్వహించాలని ప్లాన్ చేస్తున్నారు మేకర్స్. ఈ ఈవెంట్కు యావద్దేశం నుంచి ప్రాతినిధ్యం ఉంటుందని యూవీ క్రియేషన్స్ పేర్కొంది. ఈ తరహా కార్యక్రమం దేశంలోనే తొలిసారి అని చెప్పింది.
తెలుగు రాష్ట్రాల నుంచి పెద్ద సంఖ్యలో ప్రభాస్ అభిమానులు ఈ వేడుకలకు రానున్న నేపథ్యంలో కొవిడ్ నిబంధనలకు కచ్చితంగా పాటించాలని చిత్రబృందం సూచించింది. ఇదే వేదికపై 5 భాషల్లో (తెలుగు, హిందీ, తమిళం, కన్నడ, మలయాలం) రాధేశ్యామ్ ట్రైలర్ను విడుదల చేయనున్నారు.
ఇప్పటికే విడుదలైన టీజర్లు, పాటలు 'రాధేశ్యామ్'పై ఆసక్తి రేకెత్తిస్తుండగా ట్రైలర్, సినిమా కోసం అభిమానులు ఆత్రుతగా ఎదురుచూస్తున్నారు. రాధాకృష్ణకుమార్ దర్శకత్వంలో యూవీ క్రియేషన్స్, గోపీకృష్ణ మూవీస్ సంయుక్తంగా ఈ చిత్రాన్ని నిర్మించగా.. వచ్చే ఏడాది జనవరి 14న 'రాధేశ్యామ్' ప్రేక్షకుల ముందుకు రానుంది.
ఇదీ చూడండి: 'రాధేశ్యామ్'లో చాలా సర్ప్రైజ్లు: డైరెక్టర్ రాధాకృష్ణ
