వెంకటేష్-నాగచైతన్య కథానాయకులుగా నటిస్తోన్న మల్టీస్టారర్‌ చిత్రం 'వెంకీమామ.’ ఈ సినిమాలో వెంకీకి జోడీగా పాయల్ రాజ్పుత్ నటిస్తోండగా.. చైతూకు జోడీగా రాశి ఖన్నా కనిపించబోతుంది. యువ దర్శకుడు బాబీ ఈ చిత్రాన్ని తెరకెక్కిస్తున్నాడు.
తాజాగా ఈ చిత్ర సెట్స్‌లో వెంకటేష్‌తో కలిసి దిగిన ఓ ఫొటోను ట్విట్టర్‌ వేదికగా అభిమానులతో పంచుకుంది రాశి ఖన్నా. వెంకీ స్టైలిష్‌గా ఓ పక్కకు తిరిగి చిరునవ్వులు చిందిస్తుండగా.. ఆయన్ను గట్టిగా కౌగిలించుకుని మురిసిపోతూ కనిపించింది రాశి. అంతేకాదు లంగా ఓణి ధరించి ఎంతో సంప్రదాయంగా కనిపించింది.
ప్రస్తుతం ఈ సినిమాకు సంబంధించన ఓ వార్త వినిపిస్తోంది. చిత్రంలో పల్లెటూరిలోని ఓ స్కూల్‌లో పాఠాలు చెప్పే టీచర్‌గా కనిపించనుందట రాశి. అందుకే ఇలా లంగా ఓణి లుక్‌లోకి మారినట్లు తెలుస్తోంది. ప్రస్తుతం శరవేగంగా చిత్రీకరణ జరుపుకుంటోన్న ఈ మూవీ.. దసరా కానుకగా ప్రేక్షకుల ముందుకు రానుంది.
ఇవీ చూడండి.. జాన్వీ కపూర్పై ట్రోల్స్.. ఏమైందంటే!
