Pushpa songs record: ఐకాన్స్టార్ అల్లు అర్జున్ నటించిన 'పుష్ప' సినిమా గత నెలలో విడుదలై ఘన విజయం సాధించింది. బన్నీ గెటప్, నటన సినిమాకు హైలైట్గా నిలిచాయి. ఇక ఈ సినిమాలోని పాటలు కూడా బాగా ప్రేక్షకదారణ పొందాయి. యూట్యూబ్లో మిలియన్ల వ్యూస్ను దక్కించుకుంటున్నాయి. ఈ క్రమంలోనే ఈ చిత్రం మరో రికార్డును ఖాతాలో వేసుకుంది. ఈ సినిమాలోని అన్ని పాటలు యూట్యూబ్ విడుదల చేసిన టాప్-100 గ్లోబల్ సాంగ్స్ జాబితాలో చోటు దక్కించుకున్నాయి.
తొలి రెండు స్థానాల్లో 'ఊ అంటావా', 'సామీ సామీ' సాంగ్స్ ఉండగా.. శ్రీవల్లి(24), దాక్కో దాక్కో మేక(74), ఏయ్ బిడ్డా ఇది నా అడ్డా(97)లో నిలిచాయి.
'పుష్ప' విడుదలైనప్పటి నుంచి బాక్సాఫీస్ వద్ద భారీ కలెక్షన్లను వసూలు చేస్తూ రికార్డులు సృష్టిస్తోంది. ముఖ్యంగా బాలీవుడ్లో ఈ చిత్రం హవా ఇంకా కొనసాగుతోంది. సుకుమార్ దర్శకత్వంలో వచ్చిన ఈ సినిమాలో రష్మిక హీరోయిన్గా నటించింది. ఫాహద్ ఫాజిల్, సునీల్, అనసూయ కీలక పాత్రలు పోషించారు. పుష్పరాజ్గా బన్నీ నటనకు విమర్శకుల ప్రశంసలు దక్కాయి. త్వరలోనే పార్ట్2ను (పుష్ప: ది రూల్) తెరకెక్కించనున్నారు సుకుమార్. ఎర్ర చందనం స్మగ్లింగ్ నేపథ్యంలో రూపొందందీ మూవీ.
- " class="align-text-top noRightClick twitterSection" data="">
ఇదీ చూడండి: అలాంటి పాత్రలో అస్సలు చేయను.. బాలీవుడ్ ఎంట్రీపై బన్నీ!
