Pushpa OTT Release: ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కిన 'పుష్ప ది రైజ్' చిత్రం అభిమానులకు ఫుల్మీల్స్ పెట్టేసింది. బన్నీ-సుకుమార్ కాంబినేషన్ మరోసారి అదరగొట్టేసింది. దీంతో ప్రేక్షకులు 'పుష్ప'ను చూసేందుకు థియేటర్ల వద్ద బారులు తీరుతున్నారు. అయితే థియేటర్లలో ఈ మూవీ హవా కొనసాగుతుండగానే ఓటీటీ రిలీజ్పై విస్తృతంగా చర్చ జరుగుతోంది.
ఈ చిత్రం డిజిటల్ రైట్స్ ప్రముఖ ఓటీటీ అమెజాన్ ప్రైమ్ ఇప్పటికే కొనుగోలు చేసింది. ఈ నేపథ్యంలో 'పుష్ప-ది రైజ్' వచ్చే ఏడాది జనవరి మొదటి వారంలో ప్రైమ్లో రిలీజ్ అవుతుందనే ప్రచారం జరుగుతోంది. అయితే దీనిపై స్పందించిన చిత్రబృందం ఆ వార్తల్లో ఎలాంటి వాస్తవం లేదని అంటోంది.
ప్రస్తుతం ఉన్న ఒప్పందం ప్రకారం సినిమా విడుదలైన నాలుగు నుంచి ఆరు వారాల్లో సినిమా ప్రేక్షకులకు అందుబాటులోకి రానుంది. దీని ప్రకారం ఈ సినిమా జనవరి చివరి వారంలో ప్రైమ్లో అందుబాటులోకి వస్తుంది.
ఇదీ చూడండి : ఈ ఏడాది టాలీవుడ్లో మెరిసిన కొత్త తారలు వీరే!
