Pushpa making video: అల్లు అర్జున్ 'పుష్ప'.. థియేటర్లలో విజయవంతంగా ప్రదర్శితమవుతోంది. తొలి వారం పూర్తి చేసుకుని ప్రపంచవ్యాప్తంగా రూ.229 కోట్ల గ్రాస్ వసూలు చేసింది. మరిన్ని వసూళ్లు సాధిస్తూ దూసుకెళ్తుంది. ఈ క్రమంలోనే 'పుష్ప' మేకింగ్ను ఆదివారం రిలీజ్ చేశారు. ఈ వీడియోలోని ప్రతి ఫ్రేమ్ ఆకట్టుకుంటుంది.
- " class="align-text-top noRightClick twitterSection" data="">
శేషాచలం ఎర్రచందనం నేపథ్యంగా తీసిన 'పుష్ప' సినిమాలో అల్లుఅర్జున్, రష్మిక హీరోహీరోయిన్లుగా నటించారు. ఫహాద్ ఫాజిల్, సునీల్, అనసూయ కీలకపాత్రలు పోషించారు. దేవిశ్రీ ప్రసాద్ సంగీతమందించారు. సుకుమార్ దర్శకత్వం వహించారు. మైత్రీమూవీ మేకర్స్ భారీ బడ్జెట్తో నిర్మించింది.
Akhanda movie: నందమూరి బాలకృష్ణ 'అఖండ'.. థియేటర్లలో 25 రోజులు పూర్తి చేసుకున్న సందర్భంగా పార్టీ నిర్వహించారు. ఈ కార్యక్రమానికి చిత్రబృందంతో పాటు పలువురు డిస్ట్రిబ్యూటర్స్ హాజరయ్యారు.
మాస్ ఎంటర్టైనర్గా తెరకెక్కిన ఈ సినిమాలో బాలయ్య డబుల్ రోల్లో కనిపించారు. అఘోరాగా విశ్వరూపం చూపించి, అభిమానుల్ని ఆశ్చర్యపరిచారు. తమన్ బ్యాక్గ్రౌండ్ మ్యూజిక్ ఈ చిత్రానికే హైలెట్గా నిలిచింది. ప్రగ్యా జైస్వాల్ హీరోయిన్. బోయపాటి శ్రీను దర్శకత్వం వహించారు. మిర్యాల రవీందర్రెడ్డి నిర్మాత.
Naveen polishetty: యంగ్ హీరో నవీన్ పోలిశెట్టి పుట్టినరోజు సందర్భంగా తన కొత్త మూవీ టీమ్ విషెస్ చెప్పింది. త్వరలోనే టైటిల్ వెల్లడిస్తామని తెలిపింది. అలానే ఆసనంలో పంచె కట్టి, రెండు చేతులకూ ఉంగరాలతో ఉన్న ఫొటోను పోస్ట్ చేసింది.
ఈ సినిమాను సితార ఎంటర్టైన్మెంట్స్, ఫార్చున్ ఫోర్ సినిమాస్ సంయుక్తంగా నిర్మిస్తున్నాయి. కల్యాణ్ శంకర్ దర్శకుడిగా పరిచయమవుతున్నారు. త్వరలో సినిమాకు సంబంధించిన పూర్తి వివరాలు కూడా ప్రకటించే అవకాశముంది.
శ్రీవిష్ణు 'భళా తందనాన' పోస్ట్ ప్రొడక్షన్ మొదలైంది. తొలుత డబ్బింగ్ను ప్రారంభించారు. ఈ సినిమాలో కేథరిన్ హీరోయిన్. చైతన్య దంతులూరి డైరెక్టర్. అలానే శర్వానంద్ 'ఒకే ఒకే జీవితం' టీజర్ అప్డేట్.. సోమవారం వెల్లడించనున్నారు. ఈ సినిమా ఫిబ్రవరిలో ప్రేక్షకుల ముందుకు రానుందని ఇప్పటికే ప్రకటించారు. ఇందులో అమల కీలకపాత్ర పోషిస్తున్నారు. శ్రీకార్తిక్ దర్శకత్వం వహిస్తున్న ఈ సినిమా.. తెలుగు, తమిళ భాషల్లో రిలీజ్ కానుంది.
ఇవీ చదవండి:
