"సంగీతానికి భాషతో సంబంధం లేదు. తనపై నమ్మకముంచి ఈ అవకాశమిచ్చిన దేవిశ్రీప్రసాద్కు థాంక్స్" అంటూ ఇన్స్టా వేదికగా ఆనందాన్ని పంచుకున్నాడు పంజాబీ సింగర్ పరాక్. సూపర్స్టార్ మహేశ్బాబు 'సరిలేరు నీకెవ్వరు'లో సూర్యుడివో చంద్రుడివో అంటూ సాగే గీతాన్ని పాడాడు. ఈ విషయాన్ని సామాజిక మాధ్యమాల వేదికగా వెల్లడించాడు.
"సౌత్ ఇండస్ట్రీ కింగ్ దేవిశ్రీప్రసాద్తో తొలిసారి పనిచేయడం నిజంగా గొప్ప అనుభవం. నాకు ఈ అవకాశం ఇచ్చినందకు డీఎస్పీ సర్కు చాలా థాంక్స్. సంగీతానికి భాషతో సంబంధం లేదనడానికి ఇదే నిదర్శనం" -ఇన్స్టాగ్రామ్లో పరాక్
సోమవారం సర్ప్రైజ్గా 'సరిలేరు నీకెవ్వరు' సినిమా నుంచి సూర్యుడివో చంద్రుడివో లిరికల్ రానుంది. ఇప్పటికే విడుదలైన పోస్టర్ ఆసక్తి రేపుతోంది. ఇందులో రష్మిక హీరోయిన్. విజయశాంతి, ప్రకాశ్రాజ్ కీలక పాత్రలు పోషిస్తున్నారు. అనిల్ రావిపూడి దర్శకత్వం వహిస్తున్నాడు. వచ్చే సంక్రాంతి కానుకగా జనవరి 11న ప్రేక్షకుల ముందుకు రానుందీ చిత్రం.
ఇది చదవండి: గ్యాంగ్స్టర్ కథతో సూపర్స్టార్ మహేశ్బాబు!
