RRR Release Date: ఫిబ్రవరి చివరి వారం నుంచి వారానికో పెద్ద సినిమా విడుదలవుతుందని ప్రముఖ నిర్మాత దిల్ రాజు తెలిపారు. అయితే విడుదల తేదీల విషయంలో నిర్మాతల మధ్య సమన్వయం ఉంటేనే అనుకున్న తేదీకి సినిమాలు విడుదలవుతాయని పేర్కొన్నారు. అందుకే 'ఆర్ఆర్ఆర్' లాంటి చిత్రాలు రెండు విడుదల తేదీలను ప్రకటించాయని, ప్రస్తుత పరిస్థితుల్లో అందులో ఏదో ఒక తేదీ అనుకూలంగా ఉంటే విడుదలవడం తథ్యమన్నారు.
'ఆర్ఆర్ఆర్'ను మార్చి 18 లేదా ఏప్రిల్ 28న రిలీజ్ చేయనున్నట్లు ఇదివరకే ప్రకటించింది చిత్రబృందం. మరో పాన్ఇండియా మూవీ 'రాధేశ్యామ్'ను థియేటర్లలోనే రిలీజ్ చేస్తామని, త్వరలో రిలీజ్ డేట్ కూడా ప్రకటిస్తామని ఇటీవల ఆ సినిమా డైరెక్టర్ రాధాకృష్ణ కుమార్ స్పష్టం చేశారు. మార్చి 4న ఈ చిత్రం పాన్ ఇండియా రేంజ్లో విడుదల కానుందని సమాచారం.
సంక్రాంతికి రావాల్సిన 'భీమ్లా నాయక్'.. 'ఆర్ఆర్ఆర్' కోసం పక్కకు తప్పుకొంది. ఫిబ్రవరి 25న థియేటర్లలో రిలీజ్ చేస్తామని ప్రకటన కూడా చేశారు. ఇప్పుడు అది కాస్త వాయిదా పడే అవకాశాలే ఎక్కువగా కనిపిస్తున్నాయి. వేసవి ప్రారంభంలో అంటే ఏప్రిల్ చివర్లో రానున్నట్లు తెలుస్తోంది. దీంతో పాటు మరిన్ని తెలుగు సినిమాల కొత్త రిలీజ్ డేట్స్ త్వరలో ప్రకటించే అవకాశాలు ఉన్నాయి.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: అభిమానం అతిక్రమిస్తే? ఇక అంతే సంగతులు!
