Citadel Movie Priyanka Chopra: అంతర్జాతీయ నటిగా పేరుపొందిన ప్రియాంకా చోప్రా వేగంగా చిత్రాలు చేస్తోంది. అమెజాన్‌ స్టూడియోస్‌ భాగస్వామిగా 'అవెంజర్స్‌-ఎండ్‌గేమ్‌' దర్శకుడు ఆంటోని, జోయ్‌ రుసోతో కలిసి నిర్మిస్తున్న వెబ్సిరీస్ 'సిటాడెల్'. స్పై థ్రిల్లర్‌ జానర్‌లో రూపొందుతున్న ఈ సిరీస్ భారతదేశంలోనూ విడుదల కానుంది. దీన్ని వేరే నటులతో 'ఫ్యామిలీమెన్‌' దర్శక ద్వయం రాజ్‌-డీకే రూపొందించనున్నారు.
ప్రస్తుతం అమెరికాలో విడుదలయ్యే ఈ సిటాడెల్ సిరీస్‌లో ప్రియాంక, రిచర్డ్‌ మ్యాడెన్‌ నటిస్తున్నారు. జనవరిలో మొదలైన దీని చిత్రీకరణ పూర్తైంది. ఈ సందర్భంగా ప్రియాంక మాట్లాడుతూ "సంవత్సర కాలం చాలా ఉత్సాహంగా, ఉత్తేజంగా గడిచిపోయింది. సిటాడెల్ షూటింగ్ సమయంలో ఎన్నో కొత్త విషయాలు నేర్చుకొన్నా. దీనికోసం చాలా కష్టపడాల్సి వచ్చింది. అయితే అంతిమ ఫలితం చూసుకున్నాక... ఆ మాత్రం కష్టం తప్పనిసరి అనిపించింది." అని చెప్పుకొచ్చింది. ప్రస్తుతం ఈమె హాలీవుడ్‌ చిత్రం 'ది మేట్రిక్స్‌-రీసరక్షన్‌'లో నటిస్తోంది.
ఇదీ చూడండి: భర్తను ఆటాడుకున్న ప్రియాంక.. విడాకుల రూమర్లకు చెక్!
