బాలీవుడ్ నటి ప్రియాంకా చోప్రా.. ఆసక్తికర, నిజజీవిత కథలో నటించేందుకు సిద్ధమైంది. 'ద వైట్ టైగర్' పుస్తకం ఆధారంగా రూపొందనున్న ఈ చిత్రంలో ప్రముఖ నటుడు రాజ్ కుమార్ రావు ప్రధాన పాత్ర పోషించనున్నాడు. నెటిఫ్లిక్స్తో పాటు ముకుల్ ధియోరా, ప్రియాంక సంయుక్తంగా నిర్మిస్తున్నారు. ఇందులో నటించడంపై ఆనందం వ్యక్తం చేసిందీ భామ.
"ద వైట్ టైగర్' పుస్తకంలో కథను చెప్పిన విధానం ఎంతో నచ్చింది. దర్శకుడు రమిన్ బహ్రానితో కలిసి పనిచేస్తున్నందుకు ఆనందంగా ఉంది. చిత్రీకరణతో పాటు నటుడు రాజ్ కుమార్ రావుతో తొలిసారి నటించేందుకు ఆసక్తిగా ఎదురుచూస్తున్నా". -ప్రియాంక చోప్రా, నటి
'ద వైట్ టైగర్' కథ..
టీ అమ్ముకునే ఓ వ్యక్తి అంచెలంచెలుగా ఎదిగి, విజయవంతమైన వ్యాపారవేత్తగా మారే ప్రయాణమే ఈ పుస్తక కథాంశం. అరవింద్ అడిగా రచయిత.
ఈ అంతర్జాతీయ ప్రాజెక్ట్లో భాగమైనందుకు తనకు చాలా సంతోషంగా ఉందని అన్నాడు రాజ్కుమార్ రావు. 'ఫారన్హీట్ 451', '99 హోమ్స్'లతో ఆకట్టుకున్న రమీన్ బహ్రాని.. ఈ చిత్రానికి దర్శకత్వం వహిస్తున్నాడు. భారత్లో త్వరలో చిత్రీకరణ మెుదలుకానుంది.
ఇదీ చూడండి: తప్పుగా ప్రవర్తిస్తే.. తిక్క వస్తుంది: సింగర్ స్మిత
