ప్రియా వారియర్.. ఒక్క కన్ను గీటే సన్నివేశంతో కుర్రకారు మతిపోగొట్టిన చిన్నది. ఆమె నటించిన మలయాళ చిత్రం 'ఒరు ఆడార్ లవ్'ను తెలుగులోకి అనువదించారు. ఇప్పటికే విడుదలైన టీజర్లోని ముద్దు సన్నివేశం యువత మతిపోగొట్టింది. ఈ సినిమా ఫిబ్రవరి 14న ప్రేక్షకుల ముందుకు రానుంది. ఒమర్ లులు దర్శకత్వం వహించిన ఈ చిత్రాన్ని తెలుగులో నిర్మాతలు గురురాజ్, సి.హెచ్ వినోద్ రెడ్డి సుఖీభవ బ్యానర్పై అందిస్తున్నారు.
"ప్రియా వారియర్ కన్నుగీటే సన్నివేశంతో సినిమా క్రేజ్ పెరిగింది. తెలుగు హక్కులను దక్కించుకునేందుకు ఇండస్ట్రీ నుంచి గట్టిపోటీ ఎదురైంది. భారీ మొత్తాన్ని వెచ్చించి లవర్స్ డే హక్కులను సొంతం చేసుకున్నాం. సినిమాలో సన్నివేశాలు ప్రతి ఒక్కరికీ యూత్ రోజులను గుర్తుకు తెస్తాయి. స్నేహం, ప్రేమ విలువను అద్భుతంగా తెరకెక్కించారు" అని నిర్మాత గురురాజ్ తెలిపారు.
అల్లు అర్జున్ ఆడియో ఫంక్షన్కు అతిథిగా రావడంతో సినిమాకు మరింత హైప్ పెరిగిందని.. స్టైలిష్ స్టార్కు ప్రత్యేకంగా ధన్యవాదాలు చెబుతున్నామని మరో నిర్మాత వినోద్ రెడ్డి పేర్కొన్నారు. చిత్రాన్ని ఫిబ్రవరి 14న ప్రపంచవ్యాప్తంగా 2 వేల థియేటర్లలో విడుదల చేస్తున్నామని తెలిపారు.
