మెగాహీరో సాయితేజ్కు ఈ ఏడాది చాలా ప్రత్యేకమనే చెప్పాలి. గతేడాది వరకు ఈ కథానాయకుడ్ని వరుసగా పరాజయాలే పలకరించాయి. ఈ సంవత్సరం వాటికి ఓ పుల్‌స్టాప్‌ పెట్టాడు. కొత్త గెటప్‌తో, విభిన్న కాన్సెప్ట్‌తో 'చిత్రలహరి' సినిమాను వేసవిలో ప్రేక్షకుల ముందుకు తెచ్చాడు. కథ, కథనం అభిమానులను ఆకట్టుకున్నాయి. ఆ తరువాత 'ప్రతిరోజూ పండగే' అంటూ వచ్చాడు. ఈనెల 20న వచ్చిన ఈ చిత్రం.. బాక్సాఫీస్‌ వద్ద కలెక్షన్ల వర్షం కురిపిస్తోంది.
తాత-మనవడు మధ్య ఉండే అనుబంధాలకు ఈ సినిమాలో ఆవిష్కరించారు. కుటుంబ ప్రేక్షకులను మెపిస్తోందీ చిత్రం. తేజ్ కెరీర్లోనే అతి పెద్ద విజయం నమోదు చేసింది. ఇప్పటి వరకు రూ.40 కోట్ల గ్రాస్ షేర్‌ వసూలు చేసినట్టు చిత్ర బృందం ప్రకటించింది.
ఈ సినిమాలో రాశీఖన్నా.. ఏంజల్‌ ఆర్నాగా నవ్వులు పూయిస్తోంది. సత్యరాజ్, రావు రమేశ్ కీలక పాత్రలు పోషించారు. తమన్‌ సంగీతమందించాడు.
ఇది చదవండి: మెగాహీరో సాయితేజ్కు డిగ్రీలోనే ప్రేమ'కథ'లు
