లోకనాయకుడు కమల్ హాసన్, ప్రభుదేవా మరోసారి కలిసి నటిస్తున్నారా? అవుననే అంటున్నాయి కోలీవుడ్‌ వర్గాలు. కమల్ హీరోగా తెరకెక్కుతున్న 'విక్రమ్' చిత్రంలో ప్రభుదేవా కీలకపాత్ర పోషించే అవకాశాలున్నాయని ప్రచారం సాగుతోంది. రాజకీయం నేపథ్యంలో రూపొందనున్న ఈ సినిమాలో కథని మలుపు తిప్పే అతిథి పాత్ర ఉందట. దాని కోసమే ప్రభుదేవాను చిత్రబృందం సంప్రదించిందని సమాచారం. త్వరలోనే ఈ విషయంపై స్పష్టత రానుంది.
1998లో విడుదలైన 'కాతల కాతల' అనే చిత్రంలో ప్రభుదేవా, కమల్హాసన్ తొలిసారి కలిసి నటించారు. ఈ తమిళ సినిమా తెలుగులో 'నవ్వండి లవ్వండి' పేరుతో విడుదలైంది. 22 ఏళ్ల తర్వాత మరోసారి ఈ కాంబినేషన్‌లో సినిమా రానుందన్న ప్రచారం అటు తమిళ, ఇటు తెలుగు ప్రేక్షకుల్లో ఆసక్తి మొదలైంది.
'ఖైదీ', 'మాస్టర్‌' ఫేం లోకేశ్‌ కనకరాజ్‌ ఈ చిత్ర దర్శకుడు. కథానాయకుడుగా కమల్ హాసన్కు ఇది 232వ చిత్రం. రాజ్‌కమల్‌ ఫిల్స్మ్‌ ఇంటర్నేషనల్‌ సంస్థ నిర్మిస్తుంది. ఈ చిత్రానికి అనిరుధ్ సంగీతాన్ని అందించనున్నారు.
ఇదీ చూడండి: మెగాస్టార్కు సోనూ పుస్తకం.. 'డించక్' పాటతో అలరిస్తున్న రామ్
