'బాహుబలి' స్టార్ ప్రభాస్(Prabhas New Movie) ప్రస్తుతం వరుస చిత్రాలతో బిజీగా ఉన్నారు. ఆయన హీరోగా నటించిన 'రాధేశ్యామ్' చిత్రం ఇప్పటికే షూటింగ్ పూర్తి చేసుకొని సంక్రాంతికి విడుదలకు సిద్ధంగా ఉంది. దీంతో పాటు 'ఆదిపురుష్', 'సలార్' సినిమాతో పాటు నాగ్ అశ్విన్ దర్శకత్వంలో రూపొందనున్న మరో చిత్రంలోనూ నటిస్తున్నారు ప్రభాస్. ప్రస్తుతం ఈయన నటిస్తున్న సినిమాలన్నీ పాన్ ఇండియా స్థాయివి కావడం విశేషం. ఈ నేపథ్యంలో ప్రభాస్ నుంచి మరో కొత్త సినిమా(Prabhas 25th Movie) కబురు రానుందని టాలీవుడ్ వర్గాలు తెలిపాయి.
ప్రభాస్ నటించినున్న 25వ చిత్ర వివరాలను(Prabhas 25th Movie Name) అక్టోబరు 7న ప్రకటించనున్నారు. ఈ ప్రాజెక్టుకు సంబంధించిన దర్శకుడు, నిర్మాణసంస్థ, నటీనటుల వివరాలను అదే రోజున వెల్లడిస్తారు. ఇది రెబల్స్టార్ 25వ సినిమా కావడం వల్ల భారీ బడ్జెట్తో ఈ మూవీని రూపొందించబోతున్నట్లు తెలుస్తోంది.
'బాహుబలి'తో హిట్ కాంబినేషన్గా నిలిచిన రాజమౌళితో ప్రభాస్ తన 25వ చిత్రం కోసం పనిచేయనున్నారని సమాచారం. ఇప్పటికే రాజమౌళి తెరకెక్కిస్తోన్న 'ఆర్ఆర్ఆర్'(RRR Shooting) కూడా పూర్తవ్వడం వల్ల వీరిద్దరి కాంబోలో మరో చిత్రం రూపొందనుందని ప్రచారం జరుగుతోంది. ఈ ఊహాగానాలపై స్పష్టత రావాలంటే అక్టోబరు 7 వరకు ఆగాల్సిందే!
ఇదీ చూడండి.. Drugs Case News: ఆర్యన్‌తో ఫోన్లో మాట్లాడిన షారుక్
