యథార్థ సంఘటనల ఆధారంగా తెరకెక్కిన చిత్రం 'కళాకార్‌'(Kalakar movie cast). గతంలో 'జానకీ వెడ్స్‌ శ్రీరామ్', '6టీన్స్‌' చిత్రాలతో అలరించిన రోహిత్‌ హీరోగా ఈ సినిమా రూపుదిద్దుకుంది. శ్రీను బండెలా దర్శకత్వం వహించిన ఈసినిమాకు వెంకట్‌ రెడ్డి జయపురం నిర్మాతగా వ్యవహరించారు. సస్పెన్స్ క్రైమ్‌ థ్రిల్లర్‌గా తెరకెక్కిన ఈ సినిమా టీజర్ను ఆదివారం ఉదయం హీరో ప్రభాస్(prabhas movies) విడుదల చేశారు. టీజర్ ఆసక్తికరంగా ఉందని.. ప్రతి సన్నివేశం ఉత్కంఠ రేకెత్తించేలా సాగిందని ఆయన తెలిపారు. ఈ సినిమా మంచి విజయాన్ని అందుకోవాలని ఆకాంక్షించారు.
- " class="align-text-top noRightClick twitterSection" data="">
సందీప్ కిషన్ కొత్త సినిమా
'గల్లీరౌడీ'తో(gully rowdy movie review) పాజిటివ్ టాక్‌ సొంతం చేసుకుని జోష్‌లో ఉన్న హీరో సందీప్ కిషన్(sundeep kishan new movie) తన కొత్త ప్రాజెక్ట్ను పట్టాలెక్కించారు. ఆయన హీరోగా వీఐ ఆనంద్‌ దర్శకత్వంలో ఓ చిత్రం రూపుదిద్దుకోనుంది. ఆదివారం(సెప్టెంబరు 19) ఉదయం ఈ సినిమా పూజా కార్యక్రమం హైదరాబాద్‌లో వేడుకగా జరిగింది. హీరోలు నాగశౌర్య, అల్లరి నరేశ్‌ ముఖ్య అతిథులుగా విచ్చేసి చిత్రబృందానికి అభినందనలు తెలిపారు. ముహూర్తపు షాట్‌ చిత్రీకరణలో హీరో హీరోయిన్లపై నరేశ్‌ క్లాప్‌ కొట్టగా.. నాగశౌర్య కెమెరా స్విచ్ఛాన్‌ చేశారు. సస్పెన్స్ థ్రిల్లర్‌గా ఈ సినిమా తెరకెక్కుతున్నట్లు సమాచారం. కావ్య థాపర్‌ కథానాయిక. హాస్య మూవీస్‌ పతాకంపై రాజేశ్‌ దండా ఈ చిత్రాన్ని నిర్మిస్తున్నారు. 'టైగర్‌' తర్వాత ఆనంద్‌-సందీప్ కాంబినేషన్‌లో వస్తోన్న రెండో సినిమా ఇది.
మళ్ళీ మొదలైంది
సుమంత్ కథానాయకుడిగా నటిస్తున్న విభిన్న కుటుంబ కథా చిత్రం 'మళ్ళీ మొదలైంది'(malli modalaindi sumanth). తాజాగా ఈ చిత్రానికి సంబంధించిన 'అలోన్ అలోన్' అనే మెలోడీ సాంగ్ విడుదలై ఆకట్టుకుంటోంది. సిద్ శ్రీరామ్ ఈ గీతాన్ని ఆలపించగా.. అనూప్ రూబెన్స్ మ్యూజిక్ అందించారు. నైనా గంగూలీ కథానాయిక. కీర్తి కుమార్‌ దర్శకత్వం వహించిన ఈ సినిమా షూటింగ్ శరవేగంగా జరుగుతోంది. రెడ్‌ సినిమాస్‌ బ్యానర్‌పై తెరకెక్కుతోన్న ఈ చిత్రానికి రాజశేఖర్‌ నిర్మాత. సుహాసిని, పోసాని కృష్ణమురళీ, మంజుల ఘట్టమనేని కీలకపాత్రలు పోషిస్తున్నారు.
- " class="align-text-top noRightClick twitterSection" data="">
మలయాళ 'అంధాదున్'
హీరో పృథ్వీ రాజ్ నటించిన కొత్త సినిమా అంధాదున్ మలయాళ రీమేక్ 'బ్రమమ్'(andhadhun malayalam remake). ఈ చిత్రాన్ని అమెజాన్ ప్రైమ్లో అక్టోబర్ 7నుంచి స్ట్రీమింగ్ కానున్నట్లు తెలిపింది చిత్రబృందం. రవి కె చంద్రన్ దర్శకుడు.
టీజర్ టైమ్ ఫిక్స్ 'రౌడీ బాయ్స్'
ప్రముఖ నిర్మాత దిల్‌రాజు సోదరుడైన శిరీష్‌ తనయుడు ఆశీష్‌ హీరోగా పరిచయం అవుతున్న సినిమా 'రౌడీబాయ్స్'(rowdy boys movie). 'హుషారు' దర్శకుడు శ్రీ హర్ష కొనెగంటి ఈ సినిమాను తెరకెక్కిస్తున్నారు. ఈ చిత్ర టీజర్ను సెప్టెంబరు 20న రాత్రి 7గంటలకు రిలీజ్ చేయనున్నట్లు తెలిపింది చిత్రబృందం. అనుపమ పరమేశ్వరన్ కథానాయిక. దేవీశ్రీ ప్రసాద్ స్వరాలు సమకూరుస్తున్నారు.
'ఇది మా కథ' టీజర్
శ్రీకాంత్, భూమిక, సుమంత్, తన్య నటించిన కొత్త సినిమా 'ఇది మా కథ'(idi maa prema katha movie). ఆదివారం(సెప్టెంబరు 19) ఈ చిత్ర టీజర్ విడుదలై ఆకట్టుకుంటోంది.
- " class="align-text-top noRightClick twitterSection" data="">
ఇదీ చూడండి: ఒకే స్టేజ్‌పై మహేశ్‌- ఎన్టీఆర్‌.. ఎప్పుడంటే?
