రొమాంటిక్ లుక్​తో అదరగొట్టిన ప్రభాస్, పూజ

అభిమానులు ఎప్పుడెప్పుడా అని ఎదురుచూస్తున్న తరుణం రానే వచ్చేసింది. డార్లింగ్ ప్రభాస్​ కొత్త సినిమా టైటిల్​తో పాటు అతడి లుక్​ను విడుదల చేసింది చిత్రబృందం. ఇందులో ఈ హీరో స్టైలిష్​ లుక్​తో అదరగొడుతున్నాడు.

డార్లింగ్ ప్రభాస్ కొత్త సినిమా ఫస్ట్​లుక్ వచ్చేసింది. ఎప్పటి నుంచో ఎదురుచూస్తున్న అభిమానుల నిరీక్షణకు తెరదించుతూ సోషల్ మీడియాలో పోస్టర్​ను విడుదల చేసింది చిత్రబృందం. మరోసారి స్టైలిష్​ లుక్​తో అదరగొట్టాడు ప్రభాస్. పూజా హెగ్దేతో పాటు ఉన్న ఈ పోస్టర్ ఆకట్టుకునేలా ఉంది. 'రాధే శ్యామ్'​ అనే టైటిల్​ ఖరారు చేశారు.

రాధే శ్యామ్

1920ల నాటి కథతో యూరప్ నేపథ్యంగా ఈ సినిమాను తెరకెక్కిస్తున్నారు. ఇందులో ప్రభాస్ సరసన పూజా హెగ్డే నటిస్తోంది. రాధాకృష్ణ దర్శకత్వం వహిస్తున్నారు. యువీ క్రియేషన్స్, గోపీకృష్ణ మూవీస్ సంయుక్తంగా నిర్మిస్తున్నాయి. ఇప్పటికే కొంతమేర చిత్రీకరణ జరుపుకొంది. వచ్చే ఏడాది వేసవి కానుకగా ప్రేక్షకుల ముందుకు రానుంది.