Prabhas Project K Movie: 'హైదరాబాద్ చాలా అందంగా ఉంది. త్వరలోనే మళ్లీ వస్తాను' అంటూ తన ఇన్స్టాలో పోస్ట్ చేసింది బాలీవుడ్ స్టార్ హీరోయిన్ దీపికా పదుకొణె. ప్రభాస్-నాగ్అశ్విన్ దర్శకత్వంలో తెరకెక్కుతున్న భారీ బడ్జెట్ సినిమా 'ప్రాజెక్ట్ కే'. ఈ చిత్ర షూటింగ్ కోసం భాగ్యనగరం వచ్చిన ఈ భామ తిరిగి ముంబయి వెళ్తూ ఈ పోస్ట్ చేసింది. ఈ సినిమా తొలి షెడ్యూల్ పూర్తిచేసుకున్నట్లు పేర్కొంది. అంతకుముందు తనకు ప్రభాస్, దర్శకుడు నాగ్ అశ్విన్ స్పెషల్ ఫుడ్ ట్రీట్ ఇచ్చినట్లు వంటకాలకు సంబంధించిన ఫొటోను పోస్ట్ చేసింది దీపిక.
F3 Venkatesh Movie: 'ఎఫ్ 2' సీక్వెల్గా వెంకటేశ్, వరుణ్తేజ్ ప్రధాన పాత్రల్లో వస్తున్న చిత్రం 'ఎఫ్ 3'. సునీల్ మరో కథానాయకుడిగా నటిస్తున్నారు. నేడు వెంకీ పుట్టినరోజు సందర్భంగా శుభాకాంక్షలు తెలుపుతూ వెంకీకి సంబంధించిన ఓ స్పెషల్ వీడియోను పోస్ట్ చేసింది చిత్రబృందం. ఈ మూవీలో తమన్నా, మెహరీన్ హీరోయిన్లుగా నటిస్తున్నారు. అనిల్ రావిపూడి దర్శకత్వం వహిస్తున్నారు. దిల్రాజు నిర్మాత.
- " class="align-text-top noRightClick twitterSection" data="">
Nani Shyamsingharoy movie: నేచురల్ స్టార్ నాని కొత్త సినిమా 'శ్యామ్ సింగరాయ్'. డిసెంబరు 24న థియేటర్లలోకి రానుందీ చిత్రం. ఈ సందర్భంగా చిత్ర ట్రైలర్ను డిసెంబరు 14న రిలీజ్ చేయనున్నట్లు తెలిపింది చిత్రబృందం. ఇందులో సాయిపల్లవి, కృతిశెట్టి హీరోయిన్లుగా నటించారు.
Prasanth varma new film: 'అ!, క‌ల్కి, జాంబిరెడ్డి చిత్రాల‌తో వైవిధ్య క‌థ‌ల ద‌ర్శ‌కుడిగా పేరు తెచ్చుకున్న ప్ర‌శాంత్ వ‌ర్మ 'హనుమాన్' అనే వినూత్న క‌థ‌ను తెలుగు ప్రేక్ష‌కుల‌కు పరిచయం చేయ‌బోతున్నారు. తెలుగులో తెర‌కెక్కుతోన్న తొలి ఒరిజిన‌ల్ సూపర్ హీరో చిత్రం ఇది. తాజాగా ఈ చిత్రంలో నటిస్తున్న నటి అమృతను మీనాక్షిగా పరిచయం చేస్తూ ఓ వీడియోను విడుదల చేశారు. ఇది ఆకట్టుకునేలా ఉంది.
- " class="align-text-top noRightClick twitterSection" data="">
ఇదీ చూడండి: మరో పాన్ ఇండియా ప్రాజెక్టులో ప్రభాస్.. ప్రకటన అప్పుడే!
