దక్షిణాదితో పాటు బాలీవుడ్లోనూ రాణిస్తోంది హీరోయిన్ పూజా హెగ్డే. ఇటీవలే 'అల వైకుంఠపురములో' సినిమాతో సందడి చేసిన ఈ భామ.. గతంలో 'మొహంజదారో', 'హౌస్ఫుల్' చిత్రాలతో హిందీ ప్రేక్షకులను మెప్పించింది. ఇప్పుడు ఏకంగా సల్మాన్ఖాన్ కొత్త ప్రాజెక్టులో కథానాయికగా ఎంపికైంది. ఈ విషయాన్ని నిర్మాత సాజిద్ నడియవాలా ఈరోజు(మంగళవారం) ప్రకటించారు. ఈ చిత్రానికి 'కబీ ఈద్ కబీ దివాళీ' టైటిల్ను ఖరారు చేశారు. సల్మాన్, సాజిద్ సంయుక్తంగా నిర్మిస్తున్నారు.
"హౌస్ఫుల్-4' సినిమాలో పూజా నటన చూసి ఈ పాత్రకు సరిపోతుందని ఎంపిక చేశాం. సల్మాన్ఖాన్తో పూజాహెగ్డే మొదటిసారిగా నటించనుంది. తెరపై అందంగా కనిపించడం సహా, అత్యుత్తమ ప్రదర్శన ఇచ్చేందుకు సిద్ధమవుతోంది పూజా"
-నడియావాలా నిర్మాణ సంస్థ
'హౌస్ఫుల్ 4'తో ఆకట్టుకున్న ఫర్హాద్ సమ్జీ ఈ సినిమాకు దర్శకత్వం వహిస్తున్నాడు. అక్టోబర్లో చిత్రీకరణ ప్రారంభమై, వచ్చే ఈద్ పండుగకు ప్రేక్షకుల ముందుకు రానుంది.
ఇదీ చూడండి.. సారా-కార్తిక్ నిజంగానే ప్రేమలో ఉన్నారా?
