బాలీవుడ్ క్వీన్ కంగనా రనౌత్పై ముంబయిలోని అంబోలీ పోలీస్స్టేషన్లో కేసు నమోదైంది. ఇటీవల సామాజిక మాధ్యమాల్లో పోస్ట్ చేసిన వీడియోలో ఓ వర్గాన్ని ఉగ్రవాదులుగా అభివర్ణించిందంటూ సబర్బన్ అంబోలీ పోలీస్స్టేషన్లో న్యాయవాది అలీ కషిఫ్ ఖాన్ దేశ్ముఖ్ బుధవారం ఫిర్యాదు చేశారు.
అసలేం జరిగింది?
కంగనా సోదరి రంగోలి ట్విట్టర్‌ ఖాతాను అధికారులు తొలగించారు. ఓ వర్గాన్ని ఉద్దేశించి రంగోలి వివాదాస్పద వ్యాఖ్యలు చేస్తోందని బాలీవుడ్ సెలబ్రిటీలు చేసిన ఆరోపణలపై స్పందించిన ట్విట్టర్‌ అధికారులు ఆమె అకౌంట్‌ను సస్పెండ్‌ చేశారు. దీనిపై కంగనా రనౌత్ స్పందిస్తూ.. సామాజిక మాధ్యమాల్లో ఓ వీడియో పోస్ట్ చేసింది. అయితే అందులో ఓ వర్గానికి చెందిన వారిని ఉగ్రవాదులుగా అభివర్ణించిందటూ ఆరోపణలు వచ్చాయి. దీనికి సంబంధించి తాజాగా ఆమెపై కేసు నమోదైంది.
ఇదీ చూడండి.. 'రాజమౌళిలో నాకు నచ్చని విషయం అదే'
