చేతిలో సిగరెట్ పట్టుకుని పొగ తాగుతున్న ఫొటోను హీరోయిన్ పాయల్ రాజ్పుత్ పోస్ట్ చేసింది. ఇందులో నల్ల కళ్లజోడు పెట్టుకొని, రెండు సిగరెట్లతో లేడీ 'అర్జున్ రెడ్డి'గా దర్శనమిచ్చింది. "అర్జున్ రెడ్డి', 'కబీర్‌ సింగ్‌' మోడ్‌లోనే ఉన్నాను. ఇది నా రాబోయే చిత్రంలోని ఓ సన్నివేశానికి సంబంధించిన ఫొటో" అంటూ పోస్ట్ చేసింది. వీటితో పాటు పొగతాగడం హానికరం అని సందేశాన్ని ఇచ్చింది.
ఈ ఫొటోపై అభిమానులు విపరీతంగా స్పందిస్తున్నారు. 'చాలా బాగున్నారు. వెండి తెరపై చూసేందుకు ఎదురు చూస్తున్నాం' అంటూ కామెంట్స్ పెడుతున్నారు. ఈ చిత్రం ఏ సినిమాకు సంబంధించిందో పూర్తి వివరాలు తెలియాల్సి ఉంది.
కథానాయికగా 'సీత' చిత్రంలో నటిస్తూనే ఓ ఐటెమ్‌ సాంగ్‌లో మెరిసింది పాయల్. ప్రస్తుతం'ఆర్డీఎక్స్', 'వెంకీ మామా', 'డిస్కోరాజా' సినిమాల్లో నటిస్తోంది.
ఇది సంగతి: 'కలిసే వ్యక్తుల్ని బట్టి దారి దొరుకుతుంది'
