పవర్స్టార్ పవన్కల్యాణ్.. 'అల వైకుంఠపురములో' చిత్రబృందాన్ని సర్ప్రైజ్ చేశాడు. బొకే పంపి శుభాకాంక్షలు చెప్పాడు. భవిష్యత్తులో మరిన్ని విజయాలు సాధించాలని కోరాడు. ఈ విషయాన్ని నిర్మాణ సంస్థ హారిక అండ్ హాసిని క్రియేషన్స్ ట్విట్టర్లో వెల్లడించింది.
థియేటర్లలోకి ఆదివారం వచ్చిన ఈ చిత్రం.. అన్నిచోట్ల పాజిటివ్ టాక్ తెచ్చుకొని విజయవంతంగా ప్రదర్శితమవుతోంది. త్రివిక్రమ్ పంచ్లకు తోడు, బన్నీ అద్భుత ప్రదర్శన అభిమానుల్ని అలరిస్తోంది.
వీరితో పాటే గతనెలలో వచ్చిన 'ప్రతిరోజూ పండగే' బృందానికి విషెస్ చెప్పాడు పవన్. హీరో సాయితేజ్, దర్శకుడు మారుతిలకు బొకేలు పంపించాడు. వాటిని సోషల్ మీడియా వేదికగా వారిద్దరూ పంచుకున్నారు.
