పవర్స్టార్ పవన్కల్యాణ్లో(PawanKalyan) నటుడే కాదు మంచి గాయకుడు కూడా ఉన్నాడు. ఇప్పటికే పలు పాటలు పాడి యువతను ఉర్రూతలూగించిన ఆయన.. ఇప్పుడు మరో గీతం పాడేందుకు సిద్ధమయ్యారని తెలిసింది.
ప్రస్తుతం పవన్ చేతిలో పలు సినిమాలు ఉన్నాయి. అందులో మలయాళ సూపర్‌హిట్‌ మూవీ 'అయ్యప్పనుమ్ కోషియుమ్'(Ayyappanum koshiyum) తెలుగు రీమేక్ ఒకటి. ఈ చిత్రంలోనే ఆయన ఓ జానపద గీతానికి తన గాత్రం అందించనున్నారని జోరుగా ప్రచారం సాగుతోంది. దీని కోసం తమన్ ఇప్పటికే స్వరాలు సమకూర్చారని, త్వరలోనే రికార్డింగ్ సెషన్ ప్రారంభం కానుందని అంతా మాట్లాడుకుంటున్నారు. త్వరలోనే దీనిపై స్పష్టత రానుంది. ఈ చిత్ర షూటింగ్ జులై రెండో వారంలో ప్రారంభం అవ్వనుందట!.
మలయాళంలో బిజూ మీనన్, పృథ్వీరాజ్ పోషించిన పాత్రలను తెలుగులో పవన్, రానా చేయనున్నారు. ఈ సినిమాకు సాగర్ కె చంద్ర దర్శకత్వం వహిస్తున్నారు. త్రివిక్రమ్, స్క్రీన్ప్లేతో పాటు మాటల్ని అందిస్తున్నారు. సితార ఎంటర్టైన్మెంట్స్ నిర్మిస్తోంది.
ఇదీ చూడండి: Pawan kalyan: పవన్ సినిమాలో 'ఫ్యామిలీ మ్యాన్' యాక్టర్!
