నటి రేణూ దేశాయ్ మళ్లీ కెమెరా ముందుకు వచ్చారు. తను ఓ అందమైన వెబ్ సిరీస్‌కు సంతకం చేసినట్లు ప్రకటించారు. త్వరలో తన ప్రాజెక్టుకు సంబంధించిన పూర్తి వివరాలు వెల్లడిస్తానని సోషల్‌ మీడియాలో పోస్ట్ చేశారు. ఫొటోషూట్‌లో తీసిన ఓ స్టిల్‌ను షేర్‌ చేశారు.
"మళ్లీ కెమెరా ముందుకు రావడం చాలా సంతోషంగా, ఉత్సాహంగా ఉంది. వచ్చే నెల సిరీస్ షూటింగ్‌ పూర్తిస్థాయిలో ప్రారంభం కాబోతోంది. ఈ ప్రయాణంలో మీ అందరి ఆశీర్వాదాలు, ప్రేమ నాకు కావాలి. నిజం, న్యాయం కోసం పోరాడే ఓ బలమైన మహిళ కథ ఇది. సాయికృష్ణ ప్రొడక్షన్స్‌ పతాకంపై డీఎస్‌ రావు, ఎస్‌.రజనీకాంత్‌ నిర్మిస్తున్నారు. ఎమ్‌.ఆర్‌.కృష్ణ మామిడాల దర్శకుడు. శివేంద్ర డీవోపీగా పనిచేస్తున్నారు" అని తెలిపారు. ఈ నేపథ్యంలో ఆమెకు అభిమానులు శుభాకాంక్షలు తెలుపుతూ.. వెబ్ సిరీస్ కోసం ఎదురుచూస్తున్నట్లు వెల్లడించారు.
- " class="align-text-top noRightClick twitterSection" data="
">
రేణు నటిగానే కాకుండా దర్శకురాలిగానూ గుర్తింపు పొందారు. బద్రి, జేమ్స్‌ పండు, జానీ సినిమాల్లో నటించారు. ఇష్క్‌ వాలా లవ్‌ అనే సినిమాను నిర్మించారు. పవన్‌ కల్యాణ్‌ నటించిన ఐదు సినిమాలకు కాస్ట్యూమ్‌ డిజైనర్‌గా పనిచేశారు. ఇటీవల ఆమె ఓ ఇంటర్వ్యూలో మాట్లాడుతూ.. టాలీవుడ్‌లో బలమైన పాత్రల్లో నటించే అవకాశం వస్తే చేస్తానని అన్నారు. ప్రస్తుతం రేణు రైతుల జీవితాలు, వారి సమస్యలపై సినిమా తీస్తున్నారు. దీనికి అన్నదాత సుఖీభవ అనే టైటిల్‌ను ఖరారు చేశారు. ఈ చిత్రానికి పాటలు రాయిస్తున్నట్లు కొన్ని రోజుల క్రితం తెలిపారు. ఈ ప్రాజెక్టు కోసం ఆమె పల్లెటూళ్లకు వెళ్లి.. అక్కడి పరిస్థితుల్ని తెలుసుకుంటున్నారు.
ఇదీ చూడండి డ్రగ్స్ కేసు : మరో నిందితుడు అరెస్ట్
