Rampotineni parineeti chopra: పాన్ఇండియా సినిమాల హవా ప్రారంభమైనప్పటి నుంచి బాలీవుడ్ ముద్దుగుమ్మలను తీసుకోవడానికే ఆసక్తి చూపుతున్నారు టాలీవుడ్ దర్శకనిర్మాతలు! ఇప్పటికే దీపికా పదుకొణె, ఆలియా భట్ సందడి చేసేందుకు సిద్ధమవ్వగా.. ఇప్పుడు పరిణితి చోప్రా కూడా ఈ జాబితాలోకి చేరిపోయినట్లు తెలుస్తోంది.
రామ్పోతినేని-బోయపాటి శ్రీను కాంబినేషన్లో ఓ సినిమా తెరకెక్కబోతున్నట్లు ఇటీవలే ప్రకటించారు. ఈ మూవీలోనే పరిణితి చోప్రాను తీసుకోవాలని చిత్రబృందం భావిస్తోందట. ఇప్పటికే చర్చలు కూడా జరిగాయని.. నటించేందుకు హీరోయిన్ కూడా సుముఖంగా ఉన్నట్లు తెలిసింది. దాదాపుగా ఆమె ఎంపిక ఖరారైపోయిందని అంతా మాట్లాడుకుంటున్నారు. త్వరలోనే అధికార ప్రకటన వచ్చే అవకాశముంది. కాగా, గ్రామర్, నటన పరంగా చోప్రాకు బీటౌన్లో మంచి క్రేజ్ ఉంది. హీరోయిన్ ఓరియెంటెడ్ సినిమాలు చేసిన అనుభవం కూడా ఉంది. ప్రస్తుతం రామ్.. లింగుస్వామి దర్శకత్వంలో ఓ సినిమా చేస్తున్నారు.
ఇదీ చూడండి: అదా శర్మ, భూమి ఫెడ్నేకర్, అనన్య హాట్ షో..!
