సినీ అభిమానుల్ని అలరించేందుకు ఓటీటీలో ఈ వారం(జులై 25-31) సరికొత్త సినిమాలు విడుదలకానున్నాయి. అందులో హిందీ చిత్రాలతో పాటు పలు సిరీస్లు ఉన్నాయి. ఇంతకీ అవేంటి? ఏ వేదికగా రిలీజ్ కానున్నాయో తెలుసుకుందాం.
నట్ఖత్..
ఈ షార్ట్ ఫిలిం జులై 24న విడుదలైంది. వూట్ సెలెక్ట్ వేదికగా రిలీజ్ చేశారు డైరెక్టర్ షాన్ వ్యాస్. విద్యా బాలన్, సనికా పటేల్, రాజు అర్జున్ నటించారు. ఓ తల్లి తన కొడుకుకు లింగ సమానత్వం గురించి వివరించే నేపథ్యంలో ఈ కథ సాగుతుంది.
షురువాత్ కా ట్విస్ట్
ఈ షార్ట్ ఫిలిం జులై 25న వూట్ వేదికగా విడుదల కానుంది. నీనా గుప్త, ఛంకీ పాండే, లలిత్ బెల్ నటీనటులు. హీనా డిసౌజా, అవలోకిత దత్త్, ప్రవీణ్ ఫెర్నాండెజ్ దర్శకత్వం వహించారు. ట్విస్ట్లు జోడించి ఆరు కథలను కలిపి ఈ షార్ట్ ఫిలంగా రూపొందించారు.
లవ్ ఇన్ ది టైమ్స్ ఆఫ్ కరోనా
వూట్ సెలక్ట్ వేదికగా జులై 27న విడుదల కానుంది. ఇంద్రానీ రే దర్శకత్వం వహించిన ఈ షార్ట్ ఫిలింలో.. దిపన్నిత శర్మ, అదిల్ హుస్సేన్, శిబాని దండేకర్ నటించారు. ప్రపంచం మొత్తం తమ జీవితంలో ఏది ముఖ్యమో అన్వేషించే పనిలో ఉంటుంది. ఈ నేపథ్యంలో సాగే కథ ఇది.
ఛత్రసాల్
ఈ వెబ్ సిరీస్ ఎమ్ ఎక్స్ ప్లేయర్ వేదికగా జులై 29న విడుదల కానుంది. అనాది చతుర్వేది దర్శకత్వం వహించిన ఈ సిరీస్లో.. అశుతోష్ రానా, నీనా గుప్త, జితిన్ గులాతి నటించారు. బుందేల్ఖండ్ కోసం మొగల్ చక్రవర్తి ఔరంగజేబ్తో యుద్ధం చేసిన మహారాజు ఛత్రసాల్ కథ ఇది.
లైన్స్
హుస్సేన్ ఖాన్ దర్శకత్వం వహించిన ఈ షార్ట్ ఫిలిం.. జులై 29న వూట్ సెలెక్ట్లో విడుదల చేయనున్నారు. హీనా ఖాన్, ఫరీదా జలాల్, రహత్ కజ్మి నటీనటులు. 1999లో సరిహద్దుల్లో భర్త నుంచి దూరమైన ఓ యువతి గురించి ఈ కథ సాగుతుంది.
మిమి..
హిందీ కామెడీ డ్రామా చిత్రం మిమీ జులై 30న విడుదల కానుంది. నెట్ఫ్లిక్స్ విడుదల కానున్న ఈ చిత్రానికి లక్ష్మణ్ ఉతేకర్ దర్శకత్వం వహించారు. క్రితీ సనన్, పంకజ్ త్రిపాఠి, సుప్రియ పాఠక్ ఈ చిత్రంలో ముఖ్యపాత్ర పోషించారు. జాతీయ అవార్డు గెలిచిన మరాఠీ చిత్రం 'మలా ఆయ్ వాయిచ్చి' చిత్రానికి రీమేక్ ఇది.
సిటీ ఆఫ్ డ్రీమ్స్ సీజన్ 2
డిస్నీ ప్లస్ హాట్ స్టార్ వేదికగా జులై 30న విడుదల కానుంది ఈ వెబ్ సిరీస్. నగేశ్ కుకునూర్ దర్శకుడు. అతుల్ కులకర్ణి, ప్రియ బపట్, ఐజ్ ఖాన్, సచిన్ పిల్గోవాంకర్, దివ్య సేత్ నటీ నటులు. పూర్ణిమ రావు గైక్వాడ్ మహారాష్ట్ర సీఎం పదవి చేపట్టేందుకు చేసే ప్రయత్నం నేపథ్యంలో ఈ సినిమా సాగుతుంది.
లిహాఫ్
వూట్ వేదికగా జులై 31 న విడుదల కానుందీ షార్ట్ ఫిలిం. తన్నిష్ట ఛటర్జీ, సోనల్ సేగల్, వీరేంద్ర సక్సేనా నటీనటులు. రహత్ కజ్మి దర్శకత్వం వహించారు. స్వలింగ సంపర్కుల మధ్య ప్రేమ, మహిళల భావ స్వేచ్ఛ నేపథ్యంలో ఉంటుందీ షార్ట్ ఫిలిం.
ఇదీ చదవండి:Virata Parvam OTT: ఓటీటీ రిలీజ్పై దర్శకుడు క్లారిటీ
