సమంత ప్రధాన పాత్రలో నటించిన చిత్రం 'ఓ బేబీ'. తాజాగా ఈ సినిమా ప్రీ రిలీజ్ ఈవెంట్ హైదరాబాద్లో జరిగింది. ఈ కార్యక్రమానికి హీరోలు వెంకటేష్, రానా ముఖ్య అతిథులుగా హాజరయ్యారు. జులై 5న ప్రేక్షకుల ముందుకు రానుందీ చిత్రం.
"ఈ సినిమాలో సమంత అదరగొట్టేసింది. హావాభావాల్నీ చక్కగా పలికించింది. నటీనటులంతా చాలా బాగాచేశారు. ఓ బేబీ కొత్త ప్రయోగం. ఇలాంటి కథలు ఎంచుకోవడం నిజంగా సాహసమే" - విక్టరీ వెంకటేష్
"ఈ సినిమాలతో పనిచేసిన వాళ్లందరితో నాకు ఎన్నో ఏళ్లుగా అనుబంధం ఉంది. ఇలాంటి కొత్త తరహా కథలు తెలుగులో రావాలని ఎప్పుడూ అనుకుంటూ ఉంటాను. ఇలాంటి చిత్రాలతో సురేష్ ప్రొడక్షన్స్లో కొత్త శకం ప్రారంభమైంది" -హీరో రానా
"నన్ను నమ్మి ఈ చిత్రాన్ని తీసిన నిర్మాతలకు కృతజ్ఞతలు. నా సినీ జీవింతంలోనే అత్యుత్తమ పాత్రను నాకు ఇచ్చారు. దర్శకురాలు నందినిని వందశాతం నమ్మాను. ఆ నమ్మకం నటనలో కనిపిస్తుంది. ఈ సినిమా చూడండి. మీరు ఏ మాత్రం నిరుత్సాహపడరు" -సమంత అక్కినేని.
ఈ సినిమాలో నాగశౌర్య, రాజేంద్ర ప్రసాద్, లక్ష్మీ కీలక పాత్రల్లో నటించారు. నందిని రెడ్డి దర్శకత్వం వహించిన ఈ చిత్రానికి సురేష్ బాబు, సునితా తాటి నిర్మాతలుగా వ్యవహరిస్తున్నారు. మిక్కి జే మేయర్ సంగీతం సమకూరుస్తున్నాడు.
ఇది చదవండి: తెలుగు లఘుచిత్రంలో క్రికెటర్ బ్రావో
