సీనియర్ నటి రమ్యకృష్ణ బంపర్ ఆఫర్ కొట్టేసింది! తమిళ బిగ్బాస్-5కు కొన్ని వారాలపాటు హోస్ట్గా చేయనున్నట్లు తెలుస్తోంది. ఇంతవరకు హోస్ట్ చేసిన విలక్షణ నటుడు కమల్ హాసన్ ఇటీవల కొవిడ్ బారిన పడటమే ఇందుకు కారణం.
ఇటీవల యూఎస్ వెళ్లి వచ్చిన కమల్హాసన్కు కొవిడ్ పాజిటివ్గా తేలింది. దీంతో ఆయన క్వారంటైన్లోకి వెళ్లారు. దీంతో బిగ్బాస్ షోకు హోస్ట్ ఎవరా చేస్తారా అనే సందేహం వచ్చింది.
తొలుత కమల్ కుమార్తె, హీరోయిన్ శ్రుతిహాసన్ను ఇందుకోసం ఎంపిక చేశారట. కానీ ఏమైందో ఏమోగానీ చివర్లో ఆమెను కాదని ఆ ఛాన్స్ రమ్యకృష్ణను వరించినట్లు తెలుస్తోంది. ఇప్పటికే ఈమెకు తెలుగు బిగ్బాస్లోనూ హోస్ట్గా చేసిన అనుభవం ఉండటం కలిసొచ్చింది.
'బాహుబలి' ఫ్రాంచైజీతో దేశవ్యాప్తంగా గుర్తింపు తెచ్చుకున్న రమ్యకృష్ణ.. తెలుగు, తమిళంలో పలు సినిమాల్లో కీలకపాత్రలు చేస్తోంది.
ఇవీ చదవండి:
