'కబీర్ సింగ్'తో బాలీవుడ్లో ఘనవిజయాన్ని అందుకున్న దర్శకుడు సందీప్ రెడ్డి వంగా. హిందీలో ఆయన రెండో సినిమాను బాలీవుడ్ స్టార్ రణ్బీర్ కపూర్తో చేయనున్నారు. ఈ సినిమాకు 'డెవిల్' అనే టైటిల్ పెట్టినట్లుగా ఏడాది నుంచి ప్రచారం జరిగింది. కానీ, ఇప్పుడు ఆ టైటిల్ను చిత్రబృందం మార్చినట్లు తెలుస్తోంది.
'డెవిల్' టైటిల్ను ప్రముఖ దర్శకుడు సాజిద్ నదియావాలా రిజిస్టర్ చేసుకోగా.. సందీప్ బృందం ఆ పేరును వదులుకున్నారని సమాచారం. గ్రాండ్సన్ ఎంటర్టైన్మెంట్స్ పతాకంపై సల్మాన్ ఖాన్ హీరోగా చేయనున్న 'కిక్' సీక్వెల్కు ఈ టైటిల్ను సాజిద్ వినియోగించనున్నారట.
ప్రస్తుతం ఈ చిత్రానికి 'ఎనిమల్' అనే పేరును పరిశీలిస్తున్నారు దర్శకుడు సందీప్ వంగా. డార్క్ క్రైమ్ థ్రిల్లర్ నేపథ్యంలో సాగనున్న ఈ సినిమాను టి-సిరీస్ సంస్థ నిర్మించనుంది. ప్రస్తుతం రణ్బీర్ నటిస్తున్న 'బ్రహ్మాస్త్ర', 'షంషేరా' సినిమాలు పూర్తి కాగానే ఈ సినిమా పట్టాలెక్కనుంది.
ఇదీ చూడండి:22 కిలోల బరువు తగ్గిన స్టార్‌హీరో కుమార్తె!
