సూపర్స్టార్ మహేష్ బాబు (mahesh babu) సినిమాకు సంబంధించి ప్రస్తుతం ఎటువంటి అప్డేట్స్ ఉండవని ఈ హీరో సోషల్ మీడియా బృందం స్పష్టం చేసింది. ప్రస్తుత కరోనా (Corona) పరిస్థితుల్లో అప్డేట్స్ సరికాదని ప్రిన్స్ నిర్ణయించారట. అందుకే ఆయన సినిమాకు సంబంధించిన ఎటువంటి అప్డేట్స్ సూపర్స్టార్ కృష్ణ పుట్టినరోజైన మే 31న రిలీజ్ అవ్వవని తెలుస్తోంది.
'సర్కారు వారి పాట' (Sarkaru vaari paata) చిత్రానికి పరశురామ్ దర్శకత్వం వహిస్తుండగా కీర్తి సురేశ్ హీరోయిన్గా నటిస్తోంది. తమన్ సంగీతం అందిస్తున్నాడు. దుబాయ్లో ఇప్పటికే రెండు షెడ్యూల్లు పూర్తి చేసుకుందీ మూవీ. అలాగే ఈ సినిమా తర్వాత త్రివిక్రమ్తో ఓ మూవీ చేయబోతున్నారు మహేష్. 'అతడు', 'ఖలేజా' తర్వాత వీరి కాంబోలో ఇది హ్యాట్రిక్ చిత్రం కావడం వల్ల ఇప్పటికే సినిమాపై భారీ అంచనాలు నెలకొన్నాయి.
