Macherla Niyojakavargam Movie: ఐఏఎస్‌ అధికారి పాత్రలో నితిన్ నటిస్తున్న చిత్రం 'మాచర్ల నియోజకవర్గం'. ఈ సినిమాలో ఆయన గుంటూరు జిల్లా కలెక్టర్‌ ఎన్‌. సిద్ధార్థ్‌రెడ్డిగా కనిపించనున్నారు. ఆ క్యారెక్టర్‌కు సంబంధించిన ఫస్ట్‌లుక్‌ను చిత్ర బృందం శనివారం విడుదల చేసింది. ఇందులో నితిన్ బ్లాక్‌ అండ్‌ బ్లాక్‌ దుస్తుల్లో సీరియస్‌గా కనిపించారు.
ఇది.. ఓ పోరాట సన్నివేశానికి సంబంధించిన దృశ్యమనిపిస్తోంది. "మీకు నచ్చే, మీరు మెచ్చే మాస్‌తో వస్తున్నా" అని నితిన్ ట్వీట్‌ చేశారు. ఎమ్‌.ఎస్‌.రాజశేఖర్‌ రెడ్డి తెరకెక్కిస్తున్న ఈ సినిమాను సుధాకర్‌ రెడ్డి, నిఖితా రెడ్డి సంయుక్తంగా నిర్మిస్తున్నారు. కృతి శెట్టి కథానాయిక. ప్రస్తుతం శరవేగంగా చిత్రీకరణ జరుపుకొంటోంది.
'ది వారియర్' అప్డేట్..: రామ్ పోతినేని నటిస్తున్న కొత్త చిత్రం ది వారియర్. ఈ సినిమాకు సంబంధించిన ఓ ఆసక్తికర అప్డేట్ను ఆదివారం ఉదయం 9.46 గంటలకు వెల్లడించనుంది చిత్రబృందం. ఇందులో రామ్ సరసన కృతిశెట్టి హీరోయిన్గా చేస్తోంది. ఆది పినిశెట్టి ప్రతినాయకుడిగా నటిస్తున్నారు. తెలుగు-తమిళ భాషల్లో ఈ సినిమాను తమిళ స్టార్ డైరెక్టర్ లింగుస్వామి తెరకెక్కిస్తున్నారు. శ్రీనివాస్ చిట్టూరి నిర్మిస్తున్నారు. దేవి శ్రీ ప్రసాద్ సంగీతమందిస్తున్నారు.
Vijay New Movie Beast: కోలీవుడ్‌ స్టార్ హీరో విజయ్ నటిస్తున్న కొత్త చిత్రం 'బీస్ట్'. పూజా హెగ్డే కథానాయిక. నెల్సన్‌ దిలీప్‌ కుమార్‌ ఈ సినిమాను తెరకెక్కిస్తున్నారు. సన్‌ పిక్చర్స్‌ సంస్థ నిర్మిస్తున్న ఈ కామెడీ- యాక్షన్‌ థ్రిల్లర్‌ ఏప్రిల్‌ 13న విడుదలకానుంది. ఈ సందర్భంగా సినిమాకు సంబంధించిన ఓ కొత్త పోస్టర్ను విడుదలచేసింది చిత్రబృందం.
ఇదీ చూడండి: 'ఆదిపురుష్' క్రేజీ అప్డేట్.. తెలుగులోకి మలయాళీ క్లాసిక్!
