విభిన్న సినిమాలను ఎంచుకుంటూ ప్రేక్షకులను ఆకట్టుకుంటున్నాడు యువ నటుడు నిఖిల్. ప్రస్తుతం 'కార్తికేయ-2', '18 పేజీస్' చిత్రాల్లో నటిస్తున్నాడు. '18 పేజీస్' చిత్రానికి ప్రముఖ దర్శకుడు సుకుమార్‌ కథను అందించగా.. 'కుమారి 21 ఎఫ్‌' ఫేమ్‌ పల్నాటి సూర్యప్రతాప్‌ దర్శకత్వం వహిస్తున్నాడు. బన్నీ వాసు నిర్మాత. మార్చి నెలలోనే సినిమా పూజా కార్యక్రమం జరిగింది. అయితే హీరోయిన్ ఎవరనేది చిత్రబృందం వెల్లడించలేదు.
తాజాగా ఈ చిత్రంలో లావణ్య త్రిపాఠి నటించనున్నట్లు సమాచారం. గతేడాది విడుదలైన నిఖిల్ చిత్రం 'అర్జున్ సురవరం'లో లావణ్యనే హీరోయిన్. ఆ చిత్రం మంచి విజయాన్ని సాధించడం వల్ల ఈ హిట్‌ జోడినే మరోసారి రిపీట్‌ చేయాలని '18పేజీస్' టీమ్ భావిస్తోందట. అందుకే, ఇటీవల చిత్రబృందం లావణ్యతో సంప్రదింపులు జరిపిందని సమాచారం.
