Nidhiagarwal Anupama remuneration: సంక్రాంతి సీజన్లో ఎప్పటిలాగే ఈసారి కూడా నాలుగు సినిమాలు బాక్సాఫీస్ వద్ద పోటీ పడ్డాయి. అయితే అందులో 'బంగార్రాజు' తర్వాత ప్రేక్షకుల్ని ఆకట్టుకున్న చిత్రాలు 'హీరో', 'రౌడీబాయ్స్'.
ఈ రెండు మూవీస్తో ఇద్దరు కొత్త హీరోలు తెలుగు తెరకు పరిచయమయ్యారు. సూపర్స్టార్ మహేశ్బాబు మేనల్లుడిగా అశోక్గల్లా హీరోగా వెండితెర అరంగేట్రం చేయగా.. ప్రముఖ నిర్మాత దిల్రాజు సోదరుడు శిరీష్ తనయుడు ఆశిష్ కథానాయకుడిగా ఎంట్రీ ఇచ్చాడు.
అయితే ఈ రెండు చిత్రాలకు హీరోయిన్లుగా నటించిన నిధిఅగర్వాల్(హీరో), అనుపమ పరమేశ్వరన్(రౌడీబాయ్స్) ప్రత్యేక ఆకర్షణగా నిలిచారు. వీరి సన్నివేశాలు అభిమానులను బాగా ఆకట్టుకున్నాయి. ప్రస్తుతం ఈ ముద్దుగుమ్మల రెమ్యునరేషన్ గురించి నెట్టింట్లో జోరుగా ప్రచారం సాగుతోంది. వీరు ఈ చిత్రాల కోసం తమ పారితోషికాన్ని భారీగా పెంచేశారట.
సాధారణంగా అనుపమ ఓ సినిమా కోసం రూ.50లక్షల కన్నా తక్కువే తీసుకుంటుందట! అయితే రౌడీబాయ్స్ కోసం ఈ సారి రూ.50లక్షల పారితోషికం తీసుకుందని సమాచారం. ఒక్కో చిత్రానికి రూ.50 నుంచి రూ.80లక్షల వరకు అందుకునే నిధిఅగర్వాల్ హీరో కోసం కోటిన్నర తీసుకుందని చెప్పుకుంటున్నారు. ఇక ఈ చిత్రాలు విజయం సాధించడం వల్ల వీరిద్దరికి కొత్త మూవీ ఆఫర్లు కూడా వచ్చినట్లు తెలిసింది.
కాగా, అనుపమ.. ప్రస్తుతం '18పేజీస్', 'కార్తికేయ 2', 'హెలెన్' చిత్రాల్లో నటిస్తుండగా.. నిధి అగర్వాల్.. 'హరిహర వీరమల్లు'తో పాటు మరో చిత్రం చేస్తోంది.
ఇదీ చూడండి: 'ఆ పాట షూటింగ్ సమయంలో మా బైక్ లోయలోకి దూసుకెళ్లింది!'
