Gani Movie Release: మెగాహీరో వరుణ్తేజ్ కథానాయకునిగా నటిస్తున్న చిత్రం 'గని' ఫిబ్రవరి 25న ప్రేక్షకుల ముందుకు రానుంది. ఈ మేరకు చిత్ర బృందం మంగళవారం తెలిపింది. మెగాహీరో వరుణ్తేజ్ ఈ సినిమాలో బాక్సర్‌గా కనిపించారు. సయీ మంజ్రేకర్‌ కథానాయిక. కిరణ్‌ కొర్రపాటి దర్శకత్వం వహిస్తున్నారు. అల్లు బాబీ, సిద్ధు ముద్ద సంయుక్తంగా నిర్మిస్తున్నారు. అల్లు అరవింద్‌ సమర్పకులు. జగపతిబాబు, సునీల్‌ శెట్టి, ఉపేంద్ర, నవీన్‌చంద్ర ఇతర కీలక పాత్రల్లో నటించిన ఈ చిత్రానికి తమన్ సంగీతమందించారు.
ఆడవాళ్లు మీకు జోహార్లు..!
Adavallu miku joharlu movie: శర్వానంద్ రష్మిక జంటగా నటిస్తున్న మూవీ 'ఆడవాళ్లు మీకు జోహార్లు'. కిశోర్ తిరుమల డైరెక్షన్లో తెరకెక్కిన ఈ చిత్రం షూటింగ్ పూర్తి చేసుకుని ఈ నెల 25న ప్రేక్షకుల ముందుకు రానుంది. ఇప్పటికే మూవీ టీజర్ కూడా రిలీజ్ అయింది. అయితే.. షూటింగ్ పూర్తి చేసుకున్న సందర్భంగా వెటరన్ హీరోయిన్ రాధిక.. కొన్ని ఫొటోలను షేర్ చేసింది.
గుర్తుందా శీతాకాలం..
సత్యదేవ్- తమన్నా జంటగా నటిస్తున్న సినిమా 'గుర్తుందా శీతాకాలం'. రొమాంటిక్ ఎంటర్టైనర్గా తెరకెక్కిన ఈ చిత్ర ట్రైలర్ దుమ్ములేపింది. పది లక్షల వ్యూస్ను సంపాదించుకుంది. కన్నడ హిట్ 'లవ్ మాక్టైల్'కు రీమేక్ తీసిన ఈ సినిమాలో హీరో, అతడి మూడు ప్రేమకథల చుట్టూ తిరుగుతుంది. మేఘా ఆకాశ్, కావ్య శెట్టి ఇతరపాత్రలు పోషించారు. కాలభైరవ సంగీతమందించారు. నాగశేఖర్ దర్శకత్వం వహించారు.
సర్కారు వారి పాట..
Sarkari Vaari Paata Movie: 'సర్కారు వారి పాట' మూవీలో కళావతి సాంగ్ యూట్యూబ్లో దూసుకుపోతోంది. తాజాగా 19 లక్షల వ్యూస్ను సంపాదించుకుంది. 9 లక్షల లైక్లను సొంతం చేసుకుంది.
సూపర్స్టార్ మహేశ్బాబు 'సర్కారు వారి పాట'లో కీర్తి సురేశ్ హీరోయిన్గా నటించింది. తమన్ సంగీతమందించగా, పరశురామ్ దర్శకత్వం వహించారు. మైత్రీ మూవీ మేకర్స్ నిర్మించింది. మే 12న ఈ సినిమా థియేటర్లలోకి రానుంది.
ఇదీ చదవండి: బాలయ్యతో సినిమాకు ఆ డైరెక్టర్ ప్రయత్నం!
