హీరో సుశాంత్ సింగ్ రాజ్పుత్ కేసులో సిద్ధార్థ్ పితాని అరెస్టు తర్వాత.. నార్కోటిక్స్ కంట్రోల్ బ్యూరో(ఎన్సీబీ) ఇప్పుడు మరో ఇద్దరికి సమన్లు జారీ చేసింది. సుశాంత్ సహాయకులైన నీరజ్, కేశవ్ విచారణకు హాజరవ్వాలని ఆదేశించింది.
"సిద్ధార్థ్ పితాని అరెస్టు తర్వాత.. సుశాంత్ ఇంట్లో సహాయకులుగా పనిచేసిన నీరజ్, కేశవ్ను విచారించాలని నిర్ణయించాం. డ్రగ్స్ కేసులో భాగంగా వారిద్దరిని ప్రశ్నించనున్నాం".
- నార్కోటిక్స్ కంట్రోల్ బ్యూరో, ముంబయి
అంతకుముందు ఈ కేసు విచారణలో భాగంగా సుశాంత్ ఫ్లాట్మేట్ సిద్ధార్థ్ పితానిని(ncb arrests pithani) గత శుక్రవారం(మే 28)న ఎన్సీబీ అధికారులు అరెస్టు చేశారు. సుశాంత్ ఆత్మహత్య కేసులో భాగంగా డ్రగ్స్ కోణంలో విచారించేందుకు సిద్ధార్థ్ను 5 రోజుల కస్టడీలోకి తీసుకున్నారు. అయితే గతంలో సిద్ధార్థ్ను ఇప్పటికే పలుమార్లు విచారించారు ఎన్సీబీ అధికారులు. కొంతకాలంగా స్తబ్దుగా ఉన్న ఈ కేసులో అకస్మాత్తుగా సిద్దార్థ్ను అరెస్ట్ చేయడం పట్ల మరోసారి బాలీవుడ్లో కలకలం రేగుతోంది.
ఇదీ చూడండి: sushanth death case: సిద్దార్థ్ పితాని అరెస్ట్
