ప్రముఖ జాతీయ పురస్కార గ్రహీత, దర్శకుడు రాజేశ్ టచ్ రివర్ 'సైనైడ్' అనే సినిమాను తెరకెక్కించనున్నారు. కొన్నేళ్ల క్రితం 20 మంది అమ్మాయలను అతి కిరాతకంగా అత్యాచారం చేసి.. హత్య చేసిన నేరస్థుడు 'సైనైడ్ మోహన్' నిజ జీవిత కథ ఆధారంగా ఈ చిత్రం రూపొందనుంది. ఇందులో నటి ప్రియమణి కీలక పాత్ర పోషించనున్నారు. 'సైనైడ్ మోహన్' కేసు దర్యాప్తు చేసే అధికారిణిగా ప్రియమణి కనిపించనున్నట్లు సమాచారం.
మిడిల్ ఈస్ట్ సినిమా పతాకంపై నిర్మితమవుతున్న ఈ చిత్రం.. వచ్చే ఏడాది జనవరి నుంచి పట్టాలెక్కనుంది. తనికెళ్ల భరణి ముఖ్య పాత్ర పోషించనున్నట్లు దర్శకనిర్మాతలు తెలిపారు.
