కరోనా ప్రభావంతో వివిధ రంగాలు తీవ్రంగా నష్టపోతున్నాయి. అందులో సినీ రంగం ఒకటి. విదేశాల్లో జరగాల్సిన షూటింగ్లను ప్రస్తుతం వాయిదా వేస్తున్నారు దర్శకనిర్మాతలు. ఇప్పుడు నాని 'వి' సినిమా విడుదలకు ఇలాంటి పరిస్థితే ఎదురైంది.
నాని-సుధీర్బాబు నటిస్తున్న 'వి' సినిమాను తొలుత ఈనెల 25న ఉగాది కానుకగా విడుదల చేయాలనుకున్నారు. కానీ ప్రస్తుతం కరోనా వేగంగా వ్యాప్తి చెందుతున్న నేపథ్యంలో థియేటర్లకు వచ్చే ప్రేక్షకుల సంఖ్య తగ్గే అవకాశముంది. ఈ నేపథ్యంలో 'వి' సినిమాను వాయిదా వేస్తున్నట్లు సామాజిక మాధ్యమాల వేదికగా తెలిపింది చిత్రబృందం. ఏప్రిల్లో ప్రేక్షకుల ముందుకు తీసుకొస్తామని ప్రకటించింది. కానీ తేదీపై స్పష్టతనివ్వలేదు.
