శుక్రవారం(మే 28) లెజండరీ యాక్టర్ ఎన్టీఆర్ జయంతి సందర్భంగా నందమూరి హీరోల చిత్రాల నుంచి కొన్ని అప్డేట్లు రానున్నాయి. తొలుత ఎన్బీకే ఫిల్మ్స్ బ్యానర్ తరఫున కథానాయకుడు బాలకృష్ణ ఓ ప్రకటన చేయనున్నారు. గురువారం ఉదయం 8.45 గంటలకు ఆ సర్ప్రైజ్ను విడుదల చేయనున్నట్లు ప్రకటించారు.
అయితే బాలయ్య నుంచి ఏ ప్రకటన రాబోతుందోనని అభిమానులు ఆసక్తిగా ఎదురుచూస్తున్నారు. ఒకవైపు 'అఖండ' చిత్ర అప్డేట్ అంటూ ప్రచారం జరుగుతుండగా.. మరోవైపు బాలకృష్ణ కుమారుడు మోక్షజ్ఞ అరంగేట్రంపై స్పష్టత రానుందని ప్రచారం జరుగుతోంది.
టైమ్ ట్రావెల్ కథతో..
కొత్త దర్శకులకు అవకాశాలు ఇస్తూ ఎంతోమందిని సినీ పరిశ్రమకు పరిచయం చేశారు హీరో నందమూరి కల్యాణ్రామ్. ఈ నేపథ్యంలో ఆయన హీరోగా నటిస్తున్న మరో కొత్త చిత్రానికి కూడా వశిస్ట్ అనే కొత్త దర్శకుడు పరిచయం కానున్నారు. కల్యాణ్రామ్ స్వీయ నిర్మాణంలో ఈ సినిమా రూపొందనుంది. శుక్రవారం (మే 28) ఎన్టీఆర్ జయంతి సందర్భంగా ఈ సినిమాకు సంబంధించిన అనౌన్స్మెంట్ను అదే రోజు మధ్యాహ్నం 12 గంటలకు ప్రకటించనున్నట్లు చిత్రబృందం ప్రకటించింది.
ఇదీ చూడండి: 'రాధే' చిత్ర సమీక్షకునికి సల్మాన్ లీగల్ నోటీసులు!
