యువహీరో నాగశౌర్య వరుస చిత్రాలతో బిజీగా ఉన్నారు. స్పోర్ట్స్ డ్రామాలో నటిస్తూ, ఇటీవలే కొత్త ప్రాజెక్టులో నటిస్తున్న ఇతడు.. బుధవారం, మరో సినిమాను లాంఛనంగా ప్రారంభించారు. తన సొంత బ్యానర్లో అనీష్ కృష్ణ దర్శకత్వంలో దీనిని చేయనున్నారు.
హైదరాబాద్లో జరిగిన ఈ చిత్ర ప్రారంభోత్సవానికి దర్శకులు కొరటాల శివ, అనిల్ రావిపూడితో పాటు హీరో నారా రోహిత్ హాజరయ్యారు. త్వరలో పూర్తి వివరాలు వెల్లడించడం సహా షూటింగ్ మొదలుపెట్టనున్నారు.
'క్రాక్' సినిమాలో జయమ్మగా కనిపించనున్న వరలక్షి శరత్కుమార్.. తన పాత్రకు సంబంధించిన షూటింగ్ పూర్తి చేసుకుంది. చిత్రబృందం ఈ విషయాన్ని వెల్లడించింది. ఇందులో మాస్ మహారాజా రవితేజ, శ్రుతిహాసన్ హీరోహీరోయిన్లు. గోపీచంద్ మలినేని దర్శకుడు. వచ్చే సంక్రాంతి కానుకగా సినిమా ప్రేక్షకుల ముందుకు రానున్నట్లు ఇటీవలే ప్రకటించారు.
ఇది చదవండి: 'నవరస' కోసం ఒక్కటైన తమిళ చిత్రపరిశ్రమ
