యువసామ్రాట్ అక్కినేని నాగచైతన్య, 'ఫిదా' భామ సాయిపల్లవి కాంబినేషన్లో ఓ ప్రేమకథ తెరకెక్కుతోంది. అయితే పూజా కార్యక్రమం ఎప్పుడో జరిగినా, షూటింగ్ ఇప్పటికీ మొదలుకాలేదు. ముందుగా ఆగస్టు 25న ప్రారంభించాలని అనుకున్నా వాయిదా పడింది. అయితే వచ్చే నెల 5 నుంచి రెగ్యులర్ చిత్రీకరణ షురూ చేయనున్నారని సమాచారం.
ఇందులో నాగచైతన్య పూర్తిస్థాయి తెలంగాణ యాసతో మాట్లాడనున్నాడు. అందుకోసం ప్రత్యేక తరగతులకు వెళ్తున్నాడట. టైటిల్ ఖరారు కాని ఈ చిత్రానికి శేఖర్ కమ్ముల దర్శకత్వం వహించనున్నాడు. నారాయణదాస్ నారంగ్, రామ్మోహన్ రావు సంయుక్తంగా నిర్మిస్తున్నారు.
నాగచైతన్య 'వెంకీమామ' చిత్రంలోనూ నటిస్తున్నాడు. ఇందులో వెంకటేశ్ మరో హీరోగా కనిపించనున్నాడు. పాయల్ రాజ్పుత్, రాశీఖన్నా హీరోయిన్లుగా నటిస్తున్నారు. బాబీ దర్శకుడు.
ఇదీ చూడండి: రొమాంటిక్ మూడ్లో 'సాహో' జోడి
