చైతూ-సాయిపల్లవిల 'లవ్​స్టోరి' ఇది

నాగచైతన్య-సాయిపల్లవి జంటగా నటిస్తున్న సినిమాకు 'లవ్​స్టోరి' అనే టైటిల్​ నిర్ణయించారు. సంక్రాంతి సందర్భంగా పోస్టర్​ను విడుదల చేశారు.

హీరో అక్కినేని నాగచైతన్య నటిస్తున్న కొత్త సినిమా టైటిల్​ ఏంటో చెప్పేశారు. ముందు నుంచి అనుకుంటున్నట్లే 'లవ్​స్టోరి' పేరును ఖరారు చేశారు. సంక్రాంతి సందర్భంగా అందుకు సంబంధించిన పోస్టర్​ను అభిమానులతో పంచుకున్నారు. చైతూకు జోడీగా సాయిపల్లవి కనిపించనుంది.

మధ్య తరగతి తెలంగాణ యువకుడి పాత్రలో నటిస్తున్నాడు నాగచైతన్య. శేఖర్​ కమ్ముల దర్శకత్వం వహిస్తున్నాడు. నారాయణ్ దాస్ నారంగ్, పి.రామ్మోహన్​ సంయుక్తంగా నిర్మిస్తున్నారు. ప్రస్తుతం షూటింగ్ జరుపుకుంటున్న ఈ చిత్రం వేసవికి ప్రేక్షకుల ముందుకు రానుంది.

'లవ్​స్టోరి' సినిమా టైటిల్​ పోస్టర్