అందుకే హిందీ సినిమాలు చేయలేదు: రమ్యకృష్ణ

దక్షిణాదితో పాటు ఉత్తరాదిలోనూ గుర్తింపు పొందిన నటి రమ్యకృష్ణ. ప్రస్తుతం విజయ్ దేవరకొండ సినిమాలో నటిస్తున్నారు. అయితే హిందీ చిత్రాల్లో నటించడంపై రమ్యకృష్ణను ఓ మీడియా ప్రశ్నించగా ఆసక్తికర సమాధానం చెప్పారు.

దక్షిణాదితో పాటు ఉత్తరాదిలోనూ గుర్తింపు పొందిన ప్రముఖ నటి రమ్యకృష్ణ. 'కల్‌నాయక్‌' (1993), 'క్రిమినల్‌' (1995), 'శాపత్‌' (1997), 'బడే మియా చోటే మియా' (1998) వంటి చిత్రాలతో హిందీ ప్రేక్షకుల్ని అలరించారామె. ఆపై బాలీవుడ్‌లో కొత్త ప్రాజెక్టులకు సంతకం చేయలేదు. ఈ నేపథ్యంలో హిందీ సినిమాల్లో నటించడంపై రమ్యకృష్ణను ఓ మీడియా ప్రశ్నించగా స్పందించారు.

"నిజానికి నా సినిమాలు ఉత్తరాదిలో సరిగ్గా ఆడలేదు. ఇక్కడ నాకు వచ్చిన ఆఫర్లు కూడా ఆసక్తికరంగా లేవు. అందుకే ఇన్నేళ్లు నటించలేదు. దక్షిణాదిలో నేను విజయవంతంగా రాణిస్తున్నా"