టాలీవుడ్‌ యువ కథానాయకుడు నాని నటించిన 'జెర్సీ' హిందీలో రీమేక్ చేసేందుకు సన్నాహాలు జరుగుతున్నాయి. ఇందులో నాని పాత్రలో షాహిద్ కపూర్ నటిస్తున్నాడు. ఇప్పటివరకు కథానాయిక ఎవరో చెప్పకుండా సినీ అభిమానుల్లో ఆసక్తిని పెంచింది చిత్ర బృందం. తాజాగా షాహిద్ సరసన కనిపించబోయే నాయికను ప్రకటించింది.
సూపర్‌ 30, బద్లాహౌస్ చిత్రాల ఫేం 'మృణాళ్ ఠాకూర్' ఈ ప్రాజెక్టులో అడుగుపెట్టబోతోంది. క్రికెట్‌ నేపథ్యంలో వచ్చిన ఈ చిత్రానికి తెలుగులో విశేష ప్రేక్షకాదరణ లభించింది. బాలీవుడ్ ప్రేక్షకుల్ని ఎలా అలరిస్తుందో చూడాలి. తెలుగులో దర్శకత్వం వహించిన గౌతమ్‌ తిన్ననూరినే హిందీలోనూ తెరకెక్కిస్తున్నాడు. ప్రముఖ నిర్మాతలు అల్లు అరవింద్, దిల్‌రాజు, అమన్‌ గిల్‌ రూపొందిస్తున్న ఈ చిత్రం 2020 ఆగస్టు 28న ప్రేక్షకుల ముందుకు రానుంది.
ఇది చదవండి: మలయాళ హిట్ రీమేక్లో హీరో సుమంత్
