Movie Updates: గతేడాది నవంబరులో 'అన్నాత్తే' చిత్రంతో ప్రేక్షకులను పలకరించారు తమిళ సూపర్స్టార్ రజినీకాంత్. పెద్దన్న పేరుతో ఈ చిత్రం తెలుగులోనూ విడుదలై అలరించింది. ఈ చిత్రం రిలీజ్ తర్వాత స్వల్ప విరామం తీసుకున్న తలైవా.. తాజాగా తన 169వ చిత్రానికి గ్రీన్సిగ్నల్ ఇచ్చినట్లు సమాచారం.
దర్శకుడు నెల్సన్ దిలీప్కుమార్తో ఈ సినిమా చేస్తున్నట్లు సినీ వర్గాలు వెల్లడించాయి. బలమైన కథతో పాటు ఆకట్టుకునే స్క్రీన్ప్లేతో ఈ సినిమా తెరకెక్కించనున్నారని చెప్పుకొచ్చాయి. ఏప్రిల్ నెలాఖరు లేదా మే మొదటివారంలో ఈ సినిమా షూటింగ్ ప్రారంభమయ్యే అవకాశం ఉందని తెలిపాయి. ఈ ఏడాది డిసెంబరు లేదా వచ్చే ఏడాది ఫిబ్రవరిలో ఈ సినిమా థియేటర్లలో రిలీజ్ అవుతుందని పేర్కొన్నాయి.
ఈ కాంబినేషన్లో చిత్రంపై అభిమానులు ఆసక్తిగా ఎదురుచూస్తున్నారు.
కేజీఎఫ్-2
ప్రశాంత్ నీల్ దర్శకత్వంలో కన్నడ స్టార్ యశ్ హీరోగా తెరకెక్కుతున్న చిత్రం 'కేజీఎఫ్ 2'. ఈ చిత్రం తొలిభాగం 2018లో విడుదలై ఘన విజయాన్ని అందుకుంది. ఈ నేపథ్యంలో రెండో భాగంపై భారీ అంచనాలు ఏర్పడ్డాయి. ఈ ఏడాది ఏప్రిల్లో విడుదల కానున్న రెండో భాగం కోసం ప్రేక్షకులు ఆసక్తిగా ఎదురుచూస్తున్నారు. అయితే తాజాగా ఈ చిత్రానికి సంబంధించిన మరో అప్డేట్ వచ్చేసింది. ఇందులో కీలక పాత్ర పోషిస్తున్న బాలీవుడ్ యాక్టర్ రవీనా టాండన్ తన వంతు డబ్బింగ్ను పూర్తి చేశారు. ఈ విషయాన్ని నిర్మాణ సంస్థ హోంబలే ఫిల్మ్స్ ట్విట్టర్ ద్వారా వెల్లడించింది.
ఆ దర్శకుడితో మరోసారి
'వలిమై'తో ఈనెల 25న ప్రేక్షకుల ముందుకు రానున్న కోలీవుడ్ స్టార్ నటుడు అజిత్ మరో సినిమాకు గ్రీన్సిగ్నల్ ఇచ్చారు. 'ఏకే 61' అనే తాత్కాలిక టైటిల్తో ఈ చిత్రం బుధవారం హైదరాబాద్లో ప్రారంభం కానుంది. 'వలిమై' చిత్ర దర్శకుడు హెచ్.వినోద్ ఈ చిత్రానికి కూడా దర్శకత్వ బాధ్యతలు చేపట్టారు. ఈ సినిమాలో టాలీవుడ్ హీరో నాగార్జున.. అజిత్తో కలిసి నటించనున్నట్లు సమాచారం.
ఇదీ చూడండి : Ravi Teja Khiladi: 'హాలీవుడ్‌ స్థాయిలో రవితేజ 'ఖిలాడి''
