*తమిళ స్టార్స్ కలిసి నటించిన ఆంతాలజీ 'నవరస'. ఇప్పటికే విడుదలైన స్టిల్స్ అలరిస్తుండగా, శుక్రవారం ఉదయం 9:09 గంటలకు టీజర్ రానుంది. దీనికోసం అభిమానులు ఆత్రుతగా ఎదురుచూస్తున్నారు. మణిరత్నం, కార్తిక్ సుబ్బరాజ్, గౌతమ్ మేనన్, అరవిందస్వామి తదితరులు దర్శకత్వం వహించారు.
*మరో మలయాళ సినిమా తెలుగు ప్రేక్షకులను పలకరించేందుకు సిద్ధమైంది. కుంచాకో బోబన్, నయనతార జంటగా నటించిన 'నియల్' చిత్రాన్ని 'నీడ' పేరుతో ఆహా ఓటీటీలో తీసుకొస్తున్నారు. జులై 23 నుంచి స్ట్రీమింగ్ కానుంది. మర్డర్ మిస్టరీ కథాంశంతో దీనిని తెరకెక్కించారు.
*అజయ్ దేవ్గణ్ ప్రధాన పాత్రలో నటించిన చిత్రం 'భుజ్: ద ప్రైడ్ ఆఫ్ ఇండియా'. ఆగస్టు 13 నుంచి డిస్నీ ప్లస్ హాట్స్టార్లో స్ట్రీమింగ్ కానుంది. అంతకంటే ముందు జులై 22న ట్రైలర్ విడుదల చేయనున్నారు. ఇందులో సోనాక్షి సిన్హా, సంజయ్దత్ కీలకపాత్రలు పోషించారు.
*రాజ్తరుణ్, వర్ష బొల్లమ్మ హీరోహీరోయిన్లుగా నటించిన సినిమా 'స్టాండప్ రాహుల్'. హీరో రానా చేతుల మీదుగా శుక్రవారం మధ్యాహ్నం 3:33 గంటలకు టీజర్ విడుదల చేయనున్నారు. అలానే '100 crores' సినిమాలో 'సలామ్ నమస్తే' పాట గ్లింప్స్ను త్వరలో రిలీజ్ చేయనున్నట్లు ప్రకటించారు.
ఇవీ చదవండి:
