Movie Updates: 'కృష్ణగాడి వీరప్రేమగాథ'లో నటించి తెలుగు ప్రేక్షకుల దగ్గర మంచి మార్కులు కొట్టేసిన పంజాబీ బ్యూటీ.. మెహ్రీన్. ఆ తర్వాత పలు చిత్రాల్లో నటించినా ఆశించిన స్థాయిలో ఆమెకు హిట్ దొరకలేదు. ప్రస్తుతం కెరీర్ బ్రేక్ కోసం ఎదురుచూస్తున్న మెహ్రీన్ బంపర్ ఆఫర్ కొట్టేసింది. పాన్ ఇండియా స్టార్ ప్రభాస్ సరసన నటించేందుకు అవకాశం దక్కినట్లు సమాచారం. ప్రభాస్ హీరోగా మారుతి దర్శకత్వంలో తెరకెక్కనున్న చిత్రంలో యంగ్రెబల్ స్టార్కు జోడీగా మెహ్రీన్ను ఎంపిక చేసినట్లు తెలుస్తోంది. ఈ సినిమాకు 'రాజాడీలక్స్' అనే టైటిల్ ఖరారు చేసినట్లు సమాచారం. మారుతీ దర్శకత్వంలో మెహ్రీన్ ఇప్పటికే 'మాహానుభావుడు', 'మంచిరోజులు వచ్చాయి' చిత్రాల్లో నటించింది.
వెబ్సిరీస్లోకి ఎంట్రీ..
కొత్తదనానికి ప్రాధాన్యం ఇచ్చే కింగ్ నాగార్జున.. ఇప్పుడు వెబ్సిరీస్లోకి ఎంట్రీ ఇవ్వనున్నారు. ఇప్పటికే ఆయన కుమారుడు, యువహీరో నాగచైతన్య.. విక్రమ్ కే కుమార్ దర్శకత్వంలో ఓ వెబ్సిరీస్ చేసేందుకు అంగీకరించారు. ఈ నేపథ్యంలో డిస్నీ హాట్ స్టార్ కోసం రూపొందే ఓ వెబ్సిరీస్లో నటించేందుకు నాగ్ ఓకే చెప్పేసినట్లు సమాచారం. ప్రస్తుతం నాగార్జున.. ప్రవీణ్ సత్తారు దర్శత్వంలో తెరకెక్కుతున్న 'ది ఘోస్ట్' చిత్రంలో నటిస్తున్నారు.
భారీ ఆఫర్..
శర్వానంద్ హీరోగా తెరకెక్కిన చిత్రం 'ఆడవాళ్లు మీకు జోహార్లు'. కిశోర్ తిరుమల దర్శకత్వం వహించిన ఈ చిత్రంలో కథనాయికగా రష్మిక మందన నటించింది. ఈనెల 25న విడుదల కానున్న ఈ చిత్రంపై తాజా అప్డేట్ సినీ వర్గాల్లో చక్కర్లు కొడుతోంది. ఈ చిత్రం నాన్ థియేట్రికల్ రైట్స్ రూ. 25 కోట్ల భారీ మొత్తానికి అమ్ముడుపోయినట్లు సమాచారం. ఈ సినిమా సంగీత హక్కుల్ని లహరీ మ్యూజిక్ కొనుగోలు చేయగా.. శాటిలైట్, డిజిటల్ హక్కులను సోనీ గ్రూప్ దక్కించుకున్నట్లు తెలుస్తోంది.
ఇదీ చూడండి : చిరు రీఎంట్రీ.. ఇన్నేళ్ల తర్వాత మళ్లీ ప్రకటనల్లో?
