మలయాళ మెగాస్టార్ మోహన్లాల్ దర్శకుడిగా మారి తీయనున్న తొలి చిత్రం 'బరోజ్' బుధవారం లాంఛనంగా ప్రారంభమైంది. మరో సూపర్స్టార్ మమ్ముట్టితో సహా మలయాళ చిత్రసీమకు చెందిన పలువురు ప్రముఖులు ఈ కార్యక్రమానికి హాజరయ్యారు. ప్రముఖ దర్శకుడు పృథ్వీరాజ్తో పాటు పలు ప్రముఖ నటులు ఇందులో కీలక పాత్రలు పోషించబోతున్నారు.
మెగా హీరో సాయిధర్మ్ తేజ్ నటించిన 'రిపబ్లిక్' సినిమా ఫస్ట్లుక్ మార్చి 25న ఉదయం 10గంటలకు హీరో రామ్చరణ్ విడుదల చేయనున్నట్లు ప్రకటించింది చిత్రబృందం. 'ప్రస్థానం' ఫేమ్ దేవకట్టా దర్శకుడు. ఇటీవల విడుదలైన ప్రీ లుక్ ఆకట్టుకుంటూ సినిమాపై ఆసక్తి కలిగిస్తోంది. జూన్ 4న విడుదల కానుందీ చిత్రం.
