'పాట వచ్చి పదేళ్లయినా అందులో పవర్ తగ్గలేదు' అంటూ ఓ సినిమాలో అలీ చెప్పిన డైలాగ్.. 'పెదరాయుడు' చిత్రానికి సరిగ్గా సరిపోతుంది. ఎందుకంటే ఈ సినిమా వచ్చిన పాతికేళ్లయినా.. అందులోని డైలాగుల్లో స్టామినా ఇప్పటికీ ఏ మాత్రం తగ్గలేదు. మోహన్బాబు.. 'ఫిష్-వాటర్.. ఫిష్-ఫిషర్మ్యాన్' అంటూ పలికే ఇంగ్లీష్ డైలాగ్ అయితే మీకు ఇప్పటికీ గుర్తుండే ఉంటుంది. అయితే 'పెదరాయుడు' 25 ఏళ్లు పూర్తి చేసుకున్న సందర్భంగా కలెక్షన్ కింగ్ మోహన్బాబు, దర్శకుడు రవిరాజా పినిశెట్టి, సంగీత దర్శకుడు కోటి.. పలు ఆసక్తికర విశేషాలు పంచుకున్నారు.
'పెదరాయుడు' విశేషాలు పంచుకున్న చిత్రబృందం
- 'పెదరాయుడు' సినిమాకు దిగ్గజ నటుడు నందమూరి తారకరామారావు క్లాప్ కొట్టారు. 'పెదరాయుడు' సినిమాకు క్లాప్ కొట్టిన నందమూరి తారక రామారావు
- కలెక్షన్ కింగ్ మోహన్బాబు.. ఇందులో ప్రధాన పాత్ర పోషించడం సహా ద్విపాత్రాభినయం చేశారు.
- సూపర్స్టార్ రజినీకాంత్ చేసిన 'పాపారాయుడు' రోల్.. సినిమాను శిఖరాగ్రాన కూర్చోబెట్టింది. ఆయన మేనరిజమ్, ఆహార్యం, డైలాగ్స్ ప్రేక్షకుల్ని కట్టిపడేశాయి.'పెదరాయుడు' సినిమాలో మోహన్బాబు-రజినీకాంత్
- తమిళంలో వచ్చిన 'నాట్టమై'కు రీమేక్ 'పెదరాయుడు'.
- ఈ చిత్రానికి దర్శకత్వం వహించిన రవిరాజా పినిశెట్టి.. టాలీవుడ్ ప్రేక్షకుల్ని మెప్పించారు. కోటి సంగీతం ప్రధాన ఆకర్షణగా నిలిచింది.
- ఈ సినిమా 53 కేంద్రాల్లో 100 రోజులు ప్రదర్శితం కావడం సహా సిల్వర్ జూబ్లీ కూడా జరుపుకుంది.
- ఇందులో సౌందర్య పాత్ర పశ్చాత్తాపం చెందే సీన్లో మోహన్బాబు చెప్పిన డైలాగ్ ప్రేక్షకుల్ని విశేషంగా అలరించింది. "భారతి.. భార్యభర్తల సంబంధం గురించి కుటుంబసభ్యుల అనుబంధం గురించి ఓ ఇంగ్లీష్ కవి ఏమన్నాడో తెలుసా! ద రిలేషన్షిప్ బిట్వీన్ టూ పెర్షన్స్ ఆఫ్ ఏ ఫ్యామిలీ.. మస్ట్ బీ లైక్ ఏ ఫిష్ అండ్ వాటర్.. బట్ ఇట్ షుడ్ నాట్ లైక్ ఏ ఫిష్ అండ్ ఫిషర్మ్యాన్.. ఎప్పుడో చిన్నప్పుడు చదువుకున్న చదువు.. నీకు ఇంగ్లీషులో చెబితే అర్ధమవుతుందని చెప్పాను. గ్రామర్లో తప్పులుంటే మన్నించు అసలు అర్థమే తప్పనుకుంటే క్షమించు"
- 'పెదరాయుడు' సినిమాలో మోహన్బాబు
ఇవీ చదవండి:
