ప్రముఖ శాస్త్రవేత్త రాకేశ్ ధావన్ జీవితం ఆధారంగా తెరకెక్కుతున్న చిత్రం 'మిషన్ మంగళ్'. టైటిల్ రోల్లో అక్షయ్ కుమార్ కనిపించనున్నాడు. విద్యాబాలన్, సోనాక్షి సిన్హా, తాప్సీ, నిత్యామీనన్ తదితరులు కీలక పాత్రలు పోషించారు. ఈ సినిమా ట్రైలర్ను గురువారం విడుదల చేశారు. 2013లో భారత అంతరిక్ష పరిశోధన సంస్థ (ఇస్రో) చేపట్టిన 'మంగళ్యాన్' ప్రయోగం నేపథ్యంతో ఈ సినిమాను రూపొందించారు. ఆగస్టు 15న ప్రేక్షకుల్ని పలకరించనుంది.
"పరిశోధనలు లేనిదే సైన్స్ లేదు. పరిశోధనలు చేయకుండా మనం శాస్త్రవేత్తలమని చెప్పుకోలేం", "అంగారకుడిపైకి వెళ్లడానికి ఇస్రోలో ఎవరికీ అనుభవం లేదు. కానీ, ఏదేమైనా మనం మంగళ్‌యాన్‌ను మార్స్‌పైకి పంపి తీరాల్సిందే" అంటూ అక్షయ్ చెబుతున్న డైలాగ్లు సినిమాపై ఆసక్తిని పెంచుతున్నాయి.
- " class="align-text-top noRightClick twitterSection" data="">
ఎలాంటి అనుభవం లేని ఓ శాస్త్రవేత్తల బృందం 'మంగళ్యాన్' ప్రయోగాన్ని ఎలా విజయవంతం చేసింది? ఆ క్రమంలో వారు ఎదుర్కొన్న సవాళ్లేంటి? తదితర అంశాలు తెలియాలంటే విడుదల వరకు ఆగాల్సిందే. జగన్ శక్తి.. దర్శకత్వం వహించిన ఈ చిత్రం ప్రస్తుతం నిర్మాణానంతర కార్యక్రమాలు జరుపుకుంటోంది.
ఇది చదవండి: నీటి ఆదా కోసం దర్శకుడు నాగ్ అశ్విన్ 'వన్ బకెట్ ఛాలెంజ్'
