కొన్నినెలల క్రితం 'కౌసల్య కృష్ణమూర్తి'గా వచ్చింది హీరోయిన్ ఐశ్వర్య రాజేశ్. తొలి సినిమాతోనే తెలుగులో పేరు తెచ్చుకుంది. ఇప్పుడు రెజ్లర్గా కనిపించేందుకు సిద్ధమవుతోంది. ఈ పాత్రలో ఐశ్వర్య నటిస్తున్న చిత్రం 'మిస్ మ్యాచ్'. ట్రైలర్ను బుధవారం.. దర్శకుడు సురేందర్రెడ్డి చేతుల మీదుగా విడుదల చేశారు.
ఇందులోని.. 'ఇద్దరు గొడవపడితే ఒకడు గెలుస్తాడు. అదే కాంప్రమైజ్ అయ్యారనుకో ఇద్దరూ గెలుస్తారు', 'ఆటకు, గొడవకు తేడా తెలియని మనుషులు.. ఎంత తెలుసుకుంటే ఏం లాభం' అనే డైలాగ్లు అలరిస్తున్నాయి.
ఈ చిత్రంలో హీరోగా ఉదయ్ శంకర్ నటిస్తున్నాడు. గిఫ్టన్ ఎలియస్ సంగీతమందించాడు. నిర్మల్ కుమార్ దర్శకత్వం వహించాడు. శ్రీరామ్ రాజ్, భరత్ రామ్ సంయుక్తంగా నిర్మించారు. వచ్చే నెల 6న ప్రేక్షకుల ముందుకు రానుందీ చిత్రం.
ఇది చదవండి: నటి "ఐశ్వర్య"కు జ్వరమొస్తే... రూ.లక్ష బిల్లేశారట!
