ఈ సంక్రాంతికి ఒకటి కాదు రెండు: మెహరీన్

'ఎంత మంచివాడవురా!' సినిమా త్వరలో విడుదల కాబోతున్న నేపథ్యంలో పలు ఆసక్తికర విషయాల్ని పంచుకుంది హీరోయిన్ మెహరీన్. మహేశ్​బాబుతో కలిసి నటించడం కోసం ఎదురుచూస్తున్నానని చెప్పింది.

కథకు కనెక్ట్‌ అయితే కన్నీళ్లు వాటంతటవే వచ్చేస్తాయని అంటోంది హీరోయిన్ మెహరీన్‌. ప్రస్తుతం ఆమె కథానాయికగా నటించిన చిత్రం 'ఎంత మంచివాడవురా..!'. నందమూరి కల్యాణ్‌ రామ్‌ హీరో. సతీశ్‌ వేగేశ్న దర్శకత్వం వహించాడు. సంక్రాంతి కానుకగా ఈనెల 15న ప్రేక్షకుల ముందుకు రానుంది. ఈ నేపథ్యంలో మెహరీన్.. విలేకర్లతో సరదాగా ముచ్చటించింది. ఆ విశేషాలివే

హీరోయిన్ మెహరీన్

సంక్రాంతికి నా సినిమా రావడం అదృష్టం

నేను నటించిన సినిమాలు ప్రతి ఏడాది ఏదో ఒక పండక్కి విడుదలయ్యేవి. కాకపోతే నాకు మాత్రం సంక్రాంతికి నా సినిమా ఒక్కటైనా విడుదలైతే బాగుండు అని అనిపించేది. అలా ఈ ఏడాది నా కోరిక తీరింది. ఈసారి నేను నటించిన రెండు సినిమాలు.. సంక్రాంతికి విడుదలవుతున్నాయి. ఒకటి తమిళంలో ధనుష్‌ 'పటాస్‌'. మరొకటి తెలుగులో కల్యాణ్‌ రామ్‌ 'ఎంతమంచి వాడువురా..!'.

అన్నీ ఎమోషన్స్‌ ఉన్న పాత్ర

'ఎంతమంచి వాడవురా' సినిమాలో నా పాత్ర పేరు నందు. ఓ షార్ట్‌ ఫిల్మ్‌ నిర్మాత. ఆ అమ్మాయి చేసే సినిమాల్లోనే కల్యాణ్‌రామ్‌ హీరోగా నటిస్తుంటాడు. అలా ఫస్టాఫ్‌ అంతా మధ్య చాలా సరదాగా గడిచిపోతుంది. నేను నటించిన నందు పాత్ర బాగా నచ్చింది. ఎందుకంటే ఈ పాత్రలో ఎమోషన్స్‌ అన్నీ ఉంటాయి. అంతేకాకుండా ఈ పాత్ర సినిమాకు కీలకం. కాబట్టి ప్రేక్షకులు తప్పకుండా నందులో కొత్త మెహరీన్‌ను చూస్తారు. ఇప్పటి వరకు నేను ఎమోషనల్‌ సన్నివేశాలకు గ్లిజరిన్‌ వాడలేదు, ఇకపైనా వాడను.

గుజరాతీ మూవీకి రీమేక్‌

'ఎంత మంచివాడవురా..!' గుజరాతీ సినిమాకు రీమేక్‌ అని దర్శకుడు చెప్పారు. నేను ఆ సినిమా చూడలేదు. కానీ ఈ తెలుగు ప్రేక్షకులకు తగ్గట్టు ఇందులో ఎన్నో మార్పులు చేశారు. ఈ కథ వింటుంటే గగుర్పొడించింది. నందు పాత్రకు నన్నే ఎందుకు తీసుకుంటున్నారు అని అడిగా. ఆయనే ఒకటే చెప్పారు. ఈ పాత్రకు మీరు చక్కగా సెట్ అవుతారు. అందుకే మిమ్మల్ని ఈ పాత్ర కోసం తీసుకున్నామని.

హీరోయిన్ మెహరీన్

'సరిలేరు నీకెవ్వరు' ఆఫర్‌

'సరిలేరు నీకెవ్వరు' ఆఫర్‌ నాకు రాలేదు. నేను, మహేశ్‌ సర్‌తో కలిసి నటించడం కోసం ఎదురు చూస్తున్నాను. భవిష్యత్తులో అవకాశమొస్తే తప్పకుండా నటిస్తా.

'ఎంత మంచివాడవురా' టైటిల్‌

'ఎంతమంచివాడవురా' టైటిల్‌ కల్యాణ్​రామ్​కు సరిగ్గా సరిపోతుంది. ఆయన చాలా మంచి వ్యక్తి. నాలో స్ఫూర్తిని నింపారు. మొదటిసారిని కలిసినప్పుడు నువ్వు నటించిన 'కృష్ణగాడి వీరప్రేమగాథ' సినిమా చూశాను. నీ నటన చాలా బాగుంది. నందు పాత్ర అన్నీ ఎమోషన్స్‌ ఉన్న పాత్ర. కాబట్టి నీ బెస్ట్‌ ఇవ్వు అని చెప్పారు. ఈ సినిమాతో నాలోని నటిని బయటకు తీసుకువచ్చాను.

• " class="align-text-top noRightClick twitterSection" data="">